FILATELIA

FEGASOFI  CELEBROU SÚA ASEMBLEA XERAL  ORDINARIA

Foto de familia dos participantes na Asemblea Xeral Ordinaria da Federación Galega de Sociedades Filatélicas (FEGASOFI)

Foto: FEGASOFI

Infogauda / Padrón

 O sábado 18 de febreiro de 2017 celebrouse a Asemblea Xeral Ordinaria da Federación Galega de Sociedades Filatélicas (FEGASOFI), na localidade coruñesa de Padrón, concretamente en Casa Museo de Rosalía de Castro, a súa sede.  

 Na reunión, na que estiveron representadas trece sociedades pertencentes a FEGASOFI, participaron membros da Xunta Directiva e asociados procedentes das localidades da Coruña, Ourense, Vigo, A Guarda e O Rosal. 

 O presidente agradeceu a súa presenza e iniciou a sesión cun minuto de silencio polos filatelistas falecidos, continuando coa aprobación do acta anterior, e o seu informe que relatou as actividades nas que estivera representada a Federación durante e ano pasado. 

 Un percorrido polas contas e orzamentos,  a presenza galega en FESOFI, as contas e orzamentos, os proxectos e as próximas exposicións a celebrar en 2017 ocuparon a xornada.

 Finalizada a Asemblea, pousaron para a ocasión no interior da Casa Museo da poetisa galega Rosalía de Castro.