VILA NOVA DE CERVEIRA

Encontros Poliorcéticos, mais pormenores

ENCONTROS  POLIORCETICOS

 A Doutora Rebeca Blanco Rotea fez ademais finca-pé no dinheiro mal gasto nos sucessivos Interreg e a desproporçom das verbas, indo quatro ou cinco sextas partes para o lado galego, sem resultados ou réstia de sucesso verificável. Tal como ela afirmou e expujo em diapositiva, aquele revelim do Forte de Sám Lourenço de Goiám recoberto pola mata era bem simbólico do que se passa agora. As pessoas nom frequentam as fortificaçons. 

 No entanto, os Encontros Poliorcéticos tiverom a atençom do Ministério da Defesa português, que publicitou o nosso evento no apartado “Mentes  Brilhantes – Turismo  Militar” e que agradecemos pola sua deferência. Este Turismo Militar contém tal número de valências que custa crer a sua pouca implementaçom no Minho. 

 José Buiza Badás reclamou um roteiro para o Turismo Militar minhoto desde a perspectiva común e a sincronizaçom, tal como pediu Dª. Rebeca Blanco Rotea através dumha sinalética igual nambas as margens. Insistiu Buiza na necessidade dumha prevençom no relativo ao Plano REVIVE e a imediata reabilitaçom da Atalaia de Lovelhe. Fijo Também alusom à imprescindível colaboraçom das instituçons públicas com a cidadania e a iniciativa particular, de molde a ultrapassarem atitudes corporativas ou  fragmentadas.