A GUARDA

TRIBUNA ABERTA

Comunicaçom  relativa  à  situaçom  actual do  Castelo  de  Sta.  Cruz


Este  BIC  necessita  umha  maior  proteçom  legal  e  um  acompassamento    do  Estado,  da  Xunta  e do  Concelho  da  Guarda

Vista parcial do interior da Fortaleza de Santa Cruz

Foto: Infogauda

Juan Badas / A Guarda

 É  justo  reconhecer  que  houbo  limpeza  geral  no  recinto  da  fortaleza  e  fora  dela. Sendo  também  justo  recusar  as  críticas  gratuitas  e  inexactas  vindas  de  grupos  políticos  com  representaçom  no  Concelho.

 Alguns  até abstenhem-se  para  que  o  governo  local  nom  fique  melindrado…

 Ora  bem,  este  Castelo  nom  é  um  BIC  garantido,  bem  o  sabem  os  proprietários  da  zona  PERI 3  e  os  compreendidos  nas  Ordenanças  3  e  4.  Este  Castelo  sofreu  como  nenhum  outro  a  agressom  paisagista, bem  visível  por  sinal,  resultando  disso a desnecessária  interpretaçom  de  seja  o  que  for.

 Oitenta  por  cento  dos  Centros  Interpretativos  no  Estado  Espanhol  forom  à  vida,  falharom… pola  quebra  do  modelo  de  gestom  e  outros  interesses  inconfessáveis.

 No  entanto,  era  bom  negociar  com  os  proprietários  a  progressiva  libertaçom  espacial  do  forte  (tarefa  inglória !...),  continuar  com  as  desmatagens, incluídos  castinheiras  e  pinhos  da  obra  externa,  corte  de  ramas  secas  de  palmeiras,  etc..

 E  fazer  de  vez  umha  abordagem  séria  do  problema  do  cataventos,  cuja  caixa  manifesta um progressivo  desgaste.

 Outra  cousa  som  desculpas  esfarrapadas  próprias  da  chicana  política  e  de  um  recorrente  ser  do  contra. Houbo  avanços  mas  pode  haver  recuos  se  o  “ladrilho”  recuperar  fôlego.  Este  BIC  necessita  umha  maior  proteçom  legal  e  um  acompassamento    do  Estado,  da  Xunta  e do  Concelho  da  Guarda.