LECER

“COÑECE A TÚA PROVINCIA”  OFERTA 22 RUTAS POLA PROVINCIA AO PREZO  PARA O  USUARIO DE 12 €

·        A Deputación, que aprobou  onte o programa, aportará 9,5 euros

   Vista parcial do megapoboado galaico romano do Monte Santa Trega (A Guarda), o xacemento arqueolóxico máis visitado de Galicia - Foto: Infogauda

  A Deputación de  Pontevedra aprobou o venres, na súaxunta de goberno, o programa Coñece a túa provincia para o ano 2014.

  O ano pasado participaron nel 21.500 personas e 329 colectivos de maiores, mulleres, discapacitados ou veciños.

  O programa foi adxudicado a Viajes El Corte Inglés. O usuario aportará 12 euros e a Deputación 9,5 euros, o que fai un total de coste do programa por usuario de 21,5 euros.

  O programa ofrece a posibilidade de elección de 22 rutas e inclúe visita a lugares turísticos e de patrimonio nunhaxornada de convivencia. Inclúe tamén viaxe en autobús, xantar e visitas.

  Os beneficiarios do programa poderán ser asociacións de maiores, mulleres, discapacitados, de veciños e estudantes.Ofertanse un máximo de 21.681 prazas para as seguintes 22 rutas:

RUTA 1	Edificios da Deputación de Pontevedra: Pazo provincial, palacete das Mendoza, Museo de Pontevedra, pazo de Lourizán e castelo de Soutomaior.
RUTA 2	Pazo de Oca, mosteiro de Santa María de Aciveiro, visita a Sabucedo, visita á Estrada.
RUTA 3	Lalín, mosteiro de San Lourenzo de Carboeiro, fervenza do Toxa, Museo Ramón María Aller, visita ó núcleo urbano de Lalín, conxunto natural e etnográfico de Codeseda (Museo Etnográfico, Casa do Patrón, paseo fluvial, aldea de Codeseda e muíños).
RUTA 4	Ruta de Arousa–O Grove con degustación, Illa da Toxa, visita ó núcleo urbano do Grove, miradoiro do monte Siradella, paseo de madeira de Pedras Negras (praia da Lanzada).
RUTA 5	Enoturismo: Cambados (adegas e degustación de viño D. O. Rías Baixas), Museo Etnográfico do Viño, Barrantes, ruta dos muíños.
RUTA 6	Mosteiro da Armenteira, Ruta da Pedra e da Auga con antigos muíños fluviais, pazo de Señoráns con visita á adega, xacemento arqueolóxico do monte do Castro.
RUTA 7	Conxunto histórico de Combarro, mosteiro de Poio, miradoiro do monte Castrove e visita ó Centro Arquelóxico da Caeira.
RUTA 8	Parque arqueolóxico de Campo Lameiro, Cerdedo (arquitectura civil e popular), conxunto histórico de Pontevedra
RUTA 9	Redondela: conxunto histórico, Camiño de Santiago, praia e porto de Cesantes, illa de San Simón.
RUTA 10	Cangas: Santo André do Hío, cabo Home, costa de Soavela.
RUTA 11	Salvaterra de Miño: parque A Canuda, paseo fluvial polo río Miño. Arbo: Centro de Interpretación do Viño e da Lamprea.
RUTA 12	Baiona: conxunto histórico, fortaleza de Monterreal, carabela A Pinta, Virxe da Rocha, mosteiro de Santa María de Oia.
RUTA 13	A Guarda: citania de Santa Trega, miradoiro, porto. Tui: conxunto histórico, catedral, río Miño, paseo.
RUTA 14	Fervenzas do Parque Natural da Barosa (Barro), visita á antiga azucreira e miradoiro dos vales do Umia e exposición de Domingo Fontán en Portas; casco vello, ponte romana e fonte das augas quentes en Caldas de Reis; conxunto arqueolóxico de Castrolandín en Cuntis.
RUTA 15	Vigo: arquitectura modernista dos edificios da cidade, barrio mariñeiro do Berbés, monte do Castro, monte da Guía.
RUTA 16	Templo votivo e arco visigótico de Panxón, porto pesqueiro, miradoiro de Monteferro, pazo de Cea, pazo da Touza.
RUTA 17	A Illa de Ons, vila mariñeira de Portonovo e Sanxenxo.
RUTA 18	Xuventude no mar (kayak ou surf na praias de Patos e da Madorra), Nigrán, Baiona.
RUTA 19	Xuventude no mar II (kayak na ría de Aldán), visita óscantís da costa de Soavela, paseo por cabo Udra.
RUTA 20	Ruta de Antonio Palacios, paseo do Louro, visita a Cans (O Porriño), área recreativa da Freixa (Ponteareas).
RUTA 21	Vilagarcía de Arousa (petróglifos dos Ballotes, Ruta dos Pazos, miradoiro de Lobeira), visita a Vilanova de Arousa (Casa Museo de Valle-Inclán), A Illa de Arousa (paseo marítimo do Cantiño).
RUTA 22	Mondariz: castro de Troña, castelo de Sobroso, Mondariz-Balneario, Virxe da Franqueira, Covelo.