VAL MIÑOR

ATSA esixe á Xunta a reestrutura inmediata dos servizos no Val Miñor ou que lla compensen. Posted: 05 Feb 2013 04:49 PM PST A denuncia de Esquerda Unida publicada na tarde do pasado luns por Valminor.info sobre a proposta de reestruturación feita por Automóviles de Tuy, S.A. (ATSA) á Consellería de Medio Ambiente, Territorio e Infraestruturas provoca ducias de pronunciamentos críticos nas redes, así como comunicados e a toma de medidas por parte de varios grupos políticos. Aos foros informativos xa anunciados por EU en Nigrán e A Guarda, sumarase unha recollida de sinaturas en Gondomar proposta polo BNG, varias mocións de urxencia nos plenos comarcais e a promesa do alcalde Alberto Valverde de Nigrán (en calidade de presidente da Mancomunidade), de estudar o caso para que os veciños do Val Miñor non sexan afectados polo axuste.

Os nacionalistas advirten que a construción dun muro á altura da escola vella agravará os problemas de asolagamento en Gondomar. Posted: 05 Feb 2013 03:03 PM PST O grupo nacionalista de Gondomar proporá a realización dun concurso de ideas para darlle unha solución eficiente ao problema dos asolagamentos na vila de Gondomar. Ao mesmo tempo, pedirá no vindeiro pleno ao goberno municipal o retiro do proxecto de construción dun muro de contención no Campo das Cercas, por entender que o mesmo agravaría máis a situación.