OIA

O ALCALDE DE OIA DEBE RECTIFICAR PÚBLICAMENTE

José Miguel Giráldez

Concelleiro do Grupo Municipal do BNG no Concello de Oia

A sesión plenaria do pasado 22 de febreiro no Concello de Oia suspendeuse por causa da acción de presión social ós políticos do PP que exerceron os estafados das preferentes. O pleno adiouse ao día de hoxe. Na orde do día figuraba a aprobación da polémica acta do pleno ordinario de 30 novembro de 2012.

No pleno ordinario do pasado 30 de novembro, tratouse a  "Moción do BNG sobre o uso de medios municipais para uso particular" na que instaba o Concello de Oia a tratar a todos os veciños por igual no uso dos medios municipais para a limpeza das fosas sépticas da veciñanza do municipio e no debate da mesma solicitouse que se regulase mediante unha ordananza a prestación do dito servizo.  Na reposta á dita moción o alcalde faltou ao respecto a representación democrática dos veciños e veciñas do Concello de Oia. Durante estos 3 meses, o Alcalde tivo tempo suficiente para reflexionar, pero no pleno de hoxe non se retractou polo que os concelleiros e concelleiras  do BNG e PSOE abandonan o pleno, ata que non faga pública unha rectificación.

“ Jose Miguel Giráldez Martínez (…), expoño:

a) Que o Partido Popular, por boca do presidente do goberno e tamén do presidente da Xunta de Galicia, alude de forma reiterada á exemplaridade nas conductas dos membros do Partido Popular.

b) Que o propio Partido Popular alude reiteradamente á necesidade de ter saneadas as arcas públicas, á capacidade de xestionar a administración pública con vocación de servizo, renegando de beneficiar a amigos ou coñecidos a través de favores políticos, caciquismo ou clientelismo.

c) Que tales actitudes ou conductas responden a unha forma de facer política que corresponde ás paxinas máis escuras da historia de Galicia do século XIX e principios do XX, sobre todo nas zonas máis pobres, atrasadas, económica e socialmente dependentes dunha administración pública, dos favores, do amiguismo, dos enchufes e outros vicios políticos desaparecidos dos paises democráticos e avanzados.

d) Que na acta da sesión ordinaria da xunta de goberno local do 09.08.2012 recóllese que o concelleiro Sr.  Camilo González, pese a que a secretaria o informou de que non procede a realización de servicios a particulares con medios humanos e materiais do concello, decidiu baixo a súa responsabilidade limpar unha fosa septica particular utilizando o tractor e cisterna municipais.

PROPOÑO:

Que o pleno do concello de Oia adopte os seguintes acordos:

1. Que o Partido Popular e a alcaldía fagan público o seu rexeitamento deste tipo de conductas e actitudes de políticas clientelares, paternalistas e caciquís, emitindo un voto expreso de censura a este tipo de actividades e favoritismos que poñen ao concello de Oia como un punto negro da Galicia profunda.

2. Que o concelleiro Sr. Camilo González, xa que se lle aprecia un afán personal polo voluntariado e pola axuda altruista a quen o necesita, que o faga no seu tempo libre a conta do seu peto, non a conta de toda a veciñanza. En consecuencia, que se valore económicamente o que supuxo a limpeza da fosa septica co tractor e cisterna municipais e que o Sr. Camilo González se faga cargo do pagamento deste gasto, pois segundo consta na acta sinalada, dixo que limpaba el a fosa séptica baixo a súa responsabilidade.”

A continuación o Sr. Alcalde da lectura a un escrito que trae preparado para darlle resposta ao concelleiro:

Efectivamente Sr. José Miguel, os Presidentes do Partido Popular tanto de España como de Galicia aluden a exemplaridade dos cargos electos de tódolos partidos políticos especialmente os do PP. Sin embargo desgraciadamente non se acaba de conseguir en todo o Estado Español o fin que nos propoñen, porque cada pouco tempo os medios de comunicación infórmannos de novos casos de corrupción o longo da Xeografía Nacional, donde se imputan a Alcaldes, Concelleiros, Presidentes das Administracións de todas cores políticos.

E vostede que tanto defende o BNG, imaxino que debe saber e recoñecer, que unha das facturas por gastos de protocolo pagadas pola Xunta de Galicia, sorprenderon enormemente os actuales gobernantes. Correspondía a unha  viaxe realizada pola exconselleira de cultura Ánxela Bugallo a Cuba concretamente para participar na feira do libro de La Habana. A propia ex-conselleira compareceu no Parlamento Galego e explicou que os billetes de avión costaron 150.000 euros, mentras que os gastos por aloxamento ascenderon a 87.000 euros e que o custe total da excursión ascendeu a 1.3 millons de euros o sexa 216 millóns das antigas pesetas.

Por outra banda Sr. José Miguel o ex-conselleiro de Industria, Sr. Fernando Blanco, dimitiu como diputado do Parlamento Galego o estar imputado supostamente por casos de corrupción.

Vostede tamén sabe que unha empresa de cargos do BNG  logrou 1.1 millons de euros o sexa casi 183 millons de pesetas,  en contratos cando gobernaba o bipartito.

Refírome a empresa Carrumeiro Media fundada en un piso xunto a sede do BNG por altos dirixentes de esta formación que durante a época do bipartito recibiu 78 contratos.

Cabe destacar que a Vicepresidencia da Igualdade e do Benestar e concretamente o departamento de Anxo Quintana otorgou a empresa constituida polo que fora o seu  secretario de Organización  cando lideraba o BNG contratos por casi 750.000 euros en pouco mais de un ano. A firma cobrou por camisetas, chapas e sombreiros de palla, por material para o Consorcio de asuntos sociales.

Outros  180.000 euros. por organizar concertos  para o día Internacional do Voluntariado. E por servizos para poñer en marcha centros de día  68.440 euros.

A Conselleria de Industria  do cal era Xefe de Gabinete Xoan Manuel Bazarra, outro dos fundadores de Carrumeiro Media  otorgoulle a firma  330.000 euros en contratos,  uns dende a Consellería e outros a mayor parte 303.000 a traves da Sociedade  pública Galicia de Calidade. Esta entidade pagou a empresa por organizar feiras y actos, custodiar y montar stands, aluguer de mobles e pantallas plasma.

A Consellería de Medio Rural, o departamento do que era secretario Xeral outro dos creadores  da empresa tamen abxudicou a Carrumeiro Media 34.700 euros en contratos para editar publicacións sobre asuntos agrarios y para a organización de campañas de promoción.

O sexa medalla de ouro, medalla de prata e medalla de bronce.

Despois de esto comprenderá que o Sr. Rajoy e o Sr. Feijoo non se cansen de transmitirnos a todos en xeral a gobernanza con exemplaridade.

Sr. José Miguel cando se intenta  ofender hai que ter un criterio do cal Vostede carece.

Por eso non me queda outro remedio  que afirmarlle e o mesmo tempo contradicirlle que no Concello de Oia, descoñezo prácticas caciquís, clientelismo, beneficios a amigos, favores políticos, etc.  E a partires de mediados do ano 2003 podo garantirllo.

E a forma de facer política do século XIX que tanto vostede critica aplíquella  os que lle mencionei anteriormente e a o partido ou formación que vostede representa neste Concello de Oia. 

Sr. José Miguel vostede vive nas antípodas.

A vostede metéronno nunha secta da que non e capaz de saír.

A pregunta que me corresponde facer é: ¿Por qué Vostede e o seu partido viven permanentemente anclados no pasado?.

A resposta na miña opinión é evidente: Porque a Vostede lle comeron o tarro cando cursaba os seus estudos e sigue pensando que no Concello de Oia seguimos vivindo no século XIX.

Sr. José Miguel: Vostede criouse nunha casa que foron capaces de construir os seus pais con habitacións e baños.

Vostede non se criou facendo a comida dos aeu pais ou dos seus avós  nunha lareira, e non viu nas citadas vivendas  o pote encima dun trípode. 

Vostede non tivo que facer as suas necesidades fisiolóxicas e corporales na leira, tanto na sua casa  como nos distintos colexios polos que pasou.

  

Vostede nunca tivo que andar diante dos bois cun arado nin diante dun carro de vacas ou bois.

Vostede nunca foi moer o gran para facer o pan a ningún muño de Viladesuso.

Por todo o exposto non existe en Oia o que vostede denomina a “Galicia Profunda”.

Sr. Miguel pídolle por favor que faga un esforzo intelectual e sitúese na realidade. Nos tempos que corren non me imaxino concelleiros que vivan, pensen, sintan e convivan co pasado.

Para rematar e despois dos recortes que vostede e o seu partido propugnan a cada momento, en Galicia a Seguridad Social, ainda ten hoxe en día,  psicólogos, psiquiatras e outros especialistas para a cura de enfermidades crónicas do sistema nervioso, para a cura das enfermidades de transtornos mentales que poden gratuitamente alinear e poñer a punto a sua cachola. Por favor recoméndolle que solicite unha consulta que vostede e moi novo e antes de que se perda de todo, poidan recuperalo e así  parecerse e pensar como  a gran  mayoría da sociedade  galega e española.

Entrando no fondo do asunto paso a informarlle de que o día 6-08-2012 recibin  unha chamada de un veciño de Loureza que estaba desesperado.

Díxome que acababa de pagar unha sanción por verquidos da sua fosa séptica o río Tamuxe.

Que estaban en plenas festas patronais e a fosa séptica o encontrarse situada preto da praza donde se celebran as festas temía que volvera a verter  ocasionando malos cheiros e novos verquidos o río.

Que xa fixera xestións e  varias chamadas telefónicas a empresas que se adican o vaciado de pozos negros e non lle podían realizar o traballo nesas datas, que a preocupación aumentáballe co paso das horas e visto que era incapaz de solventar o problema ocurríuselle  chamar o Alcalde solicitándome si lle podía enviar excepcionalmente o tractor porque consideraba que se encontraba ante  unha emerxencia e non sabía como solucionala.

Respondinlle que o sintía muitísimo pero que non podíamos facer eses traballos a particulares  e que estaba  prohibido por Lei.

Contestoume que polo  río non circulaba a penas auga, que a escasos metros río abaixo estaba cheo de xente bañándose e de producirse un verquido, podía contaminar o río e acarrear grandes consecuencias medioambientales. A el  levaríanno para o cárcere  aparte de volver a ser denunciado.  Si poñendo o que el consideraba unha emerxencia no meu coñecemento eu non podía facer nada.

Contestei informándolle que se era unha emerxencia en pro de conservar e preservar o medio ambiente iba a consultalo e en tal caso acudiríamos  antes de que se causara un desastre e prevenir males maiores.

Posteriormente falei telefónicamente con Camilo (Concelleiro de Medio Ambiente) informándome que xa consultara coa Secretaria da Corporación, e díxome que en calidade de Concelleiro do Medio ambiente a responsabilidade en caso de producirse malos cheiros ou verquidos, prohibición do baño, abastecemento de esa auga o Concello de O  Rosal, podría verse involucrado en responsabilidade civil e penal  por non tomar decisións tendo constancia de unha chamada de emerxencia.

Polo tanto e polos motivos que expoño  non se debe entender a frase “Baixo a miña responsabilidade” como negarse o cumplimento da Ley  ou simplemente facer o contrario do que lle informou  a Secretaria da Corporación; senón a sua ou a nosa  responsabilidade que temos os cargos electos si despois de unha denuncia ou unha chamada de emerxencia non facemos caso e pola sua ou pola nosa culpa contaminase o río, afortunadamente non foi así por haber tomado unha decisión acertada.

Non temos que facer público o noso rexeitamento porque cumprimos co noso deber tanto en este caso como por exemplo, cando vostede criticou en outra sesión plenaria a precaria actuación por parte dos chóferes e motobomba municipal o acudir  a un lume tamen nunha casa particular en Burgueira.

A parte última contéstalla o Sr. Camilo.

O Sr. Camilo González sigue decindo que se lle pide no texto da moción que abone do seu bolsillo os custes que para o concello tivo a utilización da cisterna municipal no asunto en cuestión e di que non tería ningún inconveniente en facelo se non fora porque leva aforrado moitos cartos ao concello encargándose personalmente da limpeza dos pozos de bombeo do alcantarillado municipal que,  como saben o facía Demain,  e rescindiron o contrato no ambito do plan de axuste para aforrar a principios deste ano; leva desde entón facéndoo el sen cobrarlle nada ao concello así que non pensa pagar nada.

O Sr. Alcalde retoma a palabra para insistir en que se tratou dunha actuación de emerxencia, por consideración a unha persona maior e impedida que hai na casa e pola amenaza de verquidos ao río, de reventar a fosa séptica en cuestión, polo que entende que actuaron correctamente.

Volve a insistir en que o Sr. Jose Miguel e as personas como el teñen algunha enfermidade mental que deberían mirarse .

Neste punto prodúcese a intervención airada dunha persona presente no público que avisa ao Sr. Alcalde da posibilidade de querellarse contra el,  de persistir na súa idea de que os que non pensan como el son enfermos mentais, e esixe respeto para as persona afectadas dunha enfermidade mental que non é ningunha broma.