VAL MIÑOR

• O ERE de Paradores de Turismo cárgase a 10 membros da plantilla de Baiona e modifica as condicións laborais doutros 64.
• Mireime na auga.
• Gondomar continúa as inscricións para as I Xornadas Deportivas de Nadal.
• Esquerda Unida de Gondomar solidarízase coa loita dos afectados polas preferentes
• O BNG Gondomar expresa o seu apoio ás persoas afectadas polas preferentes pechadas na oficina de Novagalicia Banco en Gondomar
• Preto de 5000 miñoranos non terán unha nómina durante este Nadal 2012.

O ERE de Paradores de Turismo cárgase a 10 membros da plantilla de Baiona e modifica as condicións laborais doutros 64. Posted: 04 Dec 2012 04:16 PM PST -A dirección de Paradores de Turismo anunciou este martes, entre outras medidas de recortes o despedimento de 10 traballadores en Baiona. -O comité de persoal convoca a tódolos veciños do Val Miñor a acompañar as mobilizacións previstas durante a folga convocada para os vindeiros venres e sábado en Baiona. -O ERE plantexado pola empresa estatal conta co visto e prace do ministro de Industria, Enerxía e Turismo, José Manuel Soria, quen afirmou que de non facelo Paradores entrará en "situación concursal  y de suspensión de pagos". -O parador de Tui terá un peche temporal de 5 meses e os traballadores pasarán ao paro durante 4.

Mireime na auga. Posted: 04 Dec 2012 12:59 PM PST Non lembro con exactitude cando foi nin onde, pero ocorreu. Anoitecía, hai anos. Penso que era final de verán e eu camiñaba sen rumbo entre impersoais edificios da máis poboada cidade de Galicia, que dito así mesmo parece que falásemos dunha metrópole, cando na distancia distingo un nutrido grupo de persoas novas, mesturadas con outras de máis idade, arredor de non sei que. A curiosidade impúlsame; axiña descubro a causa.

Gondomar continúa as inscricións para as I Xornadas Deportivas de Nadal. Posted: 04 Dec 2012 12:54 PM PST A concellaría de Deportes de Gondomar comunica que mantén abertas as inscricións para participar das I Xornadas Deportivas de Nadal, cun programa de actividades dirixidas tanto a nenos, como a maiores. As mesmas terá lugar os días 26,27,28 e 29 de decembro no que respecta aos cativos, e nos días 2, 3 e 4 de xaneiro para adultos. Para ocupar algunha das 150 prazas débese facer a correspondente inscrición no Pavillón de Deportes Municipal de 17 a 20h ou no CDL de 10 a 13 h. As actividades son totalmente gratuítas.

Esquerda Unida de Gondomar solidarízase coa loita dos afectados polas preferentes Posted: 04 Dec 2012 12:25 PM PST -Dende a dirección local en Gondomar e comarcal de Vigo dirixiuse escrito ós parlamentarios de Esquerda Unida para que valoren algunha iniciativa no Parlamento Galego. Esquerda Unida amosou a súa solidariedade a través dun comunicado, cos pequenos aforradores afectados "polo timo das preferentes", que nestes días ocupan a entrada da sucursal de NGB en Gondomar.

O BNG Gondomar expresa o seu apoio ás persoas afectadas polas preferentes pechadas na oficina de Novagalicia Banco en Gondomar Posted: 04 Dec 2012 08:02 AM PST O BNG de Gondomar expresou hoxe, nun comunicado, o seu apoio aos afectados pola estafa das preferentes que se atopan pechados indefinidamente na oficina de NovaGaliciaBanco en Gondomar en sinal de protesta, xa que foi unha das sucursais que tramitaron estar participaciósn preferentes e subordinadas.

Preto de 5000 miñoranos non terán unha nómina durante este Nadal 2012. Posted: 04 Dec 2012 01:15 AM PST - 231 veciños da bisbarra do Val Miñor quedaron sen emprego durante o pasado mes de novembro: 95 en Gondomar, 76 en Baiona e 60 en Nigrán. -As persoas afectadas pola falla de emprego elévase ao 18,84% da poboación activa de Gondomar, o 14,29% en Baiona, e o 14,16% en Nigrán, segundo a Consellaría de Traballo e Benestar da Xunta de Galicia.