A GUARDA

TRIBUNA ABERTA

UNHA FOTO PARA PRESUMIR E OUTRAS FOTOS PARA REFLEXIONAR

 (Foto 1)

Para presumir

            Onte saíu nalgún medio de comunicación do pobo esta foto onde cargos políticos importantes do noso concello da Guarda (Alcalde e Concelleira de Turismo) prestáronse a pousar riseiros e satisfeitos polo logro conseguido, levantar a bandeira azul na praia do Muíño.

(Fotos 2 e 3)

Para reflexionar

(Foto 2) 

         Nesta foto, non están nin o alcalde nin a Concelleira de Turismo, soamente as pegadas dunhas pisadas na area e destacando unha tubaxe que anos atrás tería a súa razón de ser que estivese aí, pero  agora, non hai que ser un lince, para darse conta de que é algo molesto e moi perigoso para calquera persoa que se lle antolle dar un paseo por esa zona, e moito máis perigoso é cando a tubaxe  está mergullada na auga que se está turbia non deixa ver o perigo.

(Foto 3)   

      Ás pedras van caendo e a fochanca vaise agrandando. E conveniente que alguén con responsabilidade lle vote unha ollada e poña en marcha os medios para que iso non se veña abaixo por si só, ou que alguén pase por a parte de arriba e bascule el e as pedras ao río.

            Señores gobernantes, fáganse tamén unha foto nese pedaciño de praia que está moi próxima á da bandeira azul, concretamente diante da “Urbanización  Armona”, pero que moita xente tamén goza dela - todos non cabemos no Muíño   -, por iso é polo que aínda que sexa sen bandeira merecémonos dar un paseo sen ter que sufrir o que unha tubaxe podre ou unha parede a piques de caer sexa motivo para ferir a alguén, mentres vostedes só miran para ese anaco de praia coa bandeira azul. Sempre buscando a foto que vende, e sempre están onde, para “promocionar” o noso pobo hai bos pratos de comida, que por certo son de balde para vostedes. Tamén hai que mirar as miserias do pobo, que hai moitas máis das que merecemos, e buscarlle solucións, que as teñen, incluído a ubicación do mercadillo.

Nota.- Recorro a poñer as miñas queixas nos medios de comunicación xa que todas cantas puxen por a vía legal de facer un escrito e pasalo por o servizo de rexistro do concello, a ningunha, desde que vostedes gobernan, recibín resposta.  Polo tanto como non sei se as len, penso que non,  é polo que non perdo o tempo en ir ao Concello a entregar a nota.

A Guarda, 18 de xullo de 2012

Asinado: Anselmo Martínez Pena

Nota da Redacción de Infogauda: 

Omitimos voluntariamente reseñar o N.I.F. do noso correspondente, a quen lle agradecemos públicamente súa oportuna crítica e tamén súas suxerencias, que compartimos íntegramente. 

Unha acraración: O título do comentario remitido a Redacción de Infogauda é da nosa exclusiva responsabilidade.