VIGO

BRAZILIAN CARAVAN 2011
1ª Mostra Internacional de Música Pernambucana (MIMPE) Vigo é unha das dez cidades europeas que poderán gozar da Primeira Mostra Internacional de Música Pernambucana. Unha caravana de novos artistas procedentes desta cidade brasileira que son un reflexo da música máis creativa que se está a facer neste país.
A banda Eta Carinae, que mestura a tradición coa electrónica, o grupo Rivotrill, unha das grandes revelacións da música instrumental brasileira, e os Fim de Feira, fusionando a poesía cos instrumentos tradicionais Pernambucanos, son os compoñentes desta Caravana que vén de presentar o seu espectáculo en Madrid, Berlín, Helsinki e Oslo.
A súa próxima para é Vigo, na Sala Iguana, este xoves 16 de xuño, a partir das 21.30 horas. Un concerto único no que estes artistas, que beben da tradición da música popular e folclórica brasileira mesturada cos estilos contemporáneos, crearán unha fusión de cores e sabores, distinta para cada banda.
Logo da súa presentación en Vigo, a caravana continuará xirando por Porto, alí estará o sábado 18 de xuño, Inglaterra, Amsterdam, Bélxica e Francia, onde pecharán, un mes despois do seu inicio, a I Mostra Internacional de Música Pernambucana cun concerto no Cabaret Sauvage en París.
O custe da entrada é de 10 euros na billeteira e 8 anticipada (pódese adquirir en www.laboleteria.es)
A banda Eta Carinae foi escollida por representar o son contemporáneo que se fai en Pernambuco, que une elementos tradicionais rexionais coas últimas tendencias da música electrónica.
Esta non é a primeira vez que Eta Carinae visita Europa. A banda xa estivo presentando o seu traballo en máis de cinco países, onde visitaron 15 cidades europeas e realizaron unha vintena de concertos.
Estes pernambucanos son unha das grandes apostas brasileiras no mercado internacional, onde xa conquistaron numerosos fans de distintos países grazas aos seus sons orixinais e por conxugar á perfección culturas musicais tan diferentes nos seus temas. Sons que procuran a universalidade pero cun toque de rexionalismo que actualiza e pon en valor os ritmos tradicionais do Nordeste do Brasil.
Enlace para vídeos, música, fotos e releases:
www.myspace.com/bandaetacarinae
Eta Carinae
O grupo Rivotrill representa un traballo de altísimo nivel instrumental, protagonizado por excelentes músicos, recoñecidos no estado por facer unha música jazz experimental con diversas referencias ás melodías nordestinas.
A banda formouse hai catro anos e medio polos músicos Aluizio Júnior (frauta, saxofón e teclados), Rafael Duarte (contrabaixo) e Lucas dos Prazeres (percusión).
Rivotrill é unha das grandes revelacións pernambucanas e un dos máis talentosos proxectos da música instrumental do Brasil. No ano 2008 presentaron o seu primeiro disco “Curva de vento” onde os ritmos brasileiros, caribeños e africanos son interpretados en clave de rock progresivo e jazz. Un disco que foi gravado en Itamaracá (Pernambuco) e no que contaron coa colaboración de artistas como Naná Vasconcelos ou o Maestro Spok.
Para máis información: www.myspace.com/bandarivotrill
Rivotrill
Fim de Feira é un grupo que nace en Recife no ano 2004, co principal obxectivo de integrar a tradición e a modernidade, a música coa poesía dos sectores nordestinos, a través de ritmos como o baião, o carimbó, o coco, o forró pé-deserra, o choro e o samba. Co seu traballo pretenden divulgar a música da rexión e reverenciar aos poetas e cantores de viola do nordeste.
Este quinteto foi elixido como Mellor Grupo Rexional nos Premios da Música Brasileira 2009. Un galardón que recoñece o traballo que veñen facendo dende hai sete anos a prol da conciliación da cultura do medio rural e a realidade artística dos grandes centros urbanos.
Influencias moi dispares que van dende a música de Chico Buarque, Tom Zé, Tropicalistas, Jackson do Pandeiro, Edu Lobo até os Beatles. Pasando polos versos de João Cabra de Melo Neto, Manoel Filó, Pinto do Monteiro, de João Guimarães Rosa ou Paulo Leminski.
Os Fim de Feira representan dentro da programación da Mostra Internacional de Música Pernambucana o traballo de máis raíz e de maior arraigamento dos ritmos e das tradicións folclóricas brasileiras.
Ao igual que os Eta Carinae, esta banda tamén estivo en Europa con anterioridade, no 2008 deron a coñecer a súa música en varios países do antigo continente.
Máis información: www.findereira.com.br ,

www.myspace.com/findefeira.
Fim de Feira
Xoan Lois Vila
www.minhoreggae.com
organizacion@minhoreggaesplash.com
671393606