OURENSE

O SÁBADO ABREN AS PISCINAS DO PARQUE TECNOLÓXICO

Mañá, sábado, día 15 de maio, abrirán ao público as piscinas da Deputación que xestiona esta institución no Parque Tecnolóxico de Galicia. Un ano máis convértense nas primeiras piscinas públicas en abrir dentro da nosa provincia.
As piscinas manteñen os seus prezos, con 1,5 euros para adultos e maiores de oito (8) anos e gratuitas para os menores de oito anos.

As instalacións dispoñen de numerosas alternativas como pistas de tenis, canchas de fútbol, wifi gratuita, aluguer de tumbonas e toallas, servizo de prensa, cafetería-restaurante e un amplo aparcamento.

O horario de apertura ao público será de 11:30 a 21:00 horas.