ESTADO

ESQUERDA UNIDA LOGRA QUE A COMISIÓN DE PETICIÓNS MANTENHA ABERTAS AS QUEIXAS PRESENTADAS SOBRE A LEI DE COSTAS QUE AFECTAN A GALICIA

O EURODEPUTADO WILLY MEYER RECALCOU A IMPORANCIA QUE TEN PARA ESQUERDA UNIDA A ORDENACIÓN DO TERRITORIO E A PROTECCIÓN DO LITORAL

ESQUERDA UNIDA, QUE ESTÁ A FAVOR DA LEI DE COSTAS, REXEITA A SÚA APLICACIÓN ARBITARIA E ASIMÉTRICA


Logo dun intenso debate o eurodeputado de Esquerda Unida, Willy Meyer, logrou que a Comisión de Peticións mantenha abertas tódalas queixas presentadas sobre a Lei de Costas espanhola, o cal e positivo pois implica que a Comisión Europea investigará denuncia por denuncia.

Tras a exposición dos peticionarios, interveu en primeiro lugar Willy Meyer, vicepresidente da Comisión de Peticións, que sinalou que Esquerda Unida non está en contra da Lei de Costas, en tanto que o seu propósito é a protección do litoral.
Meyer afirmou que non se trata de entrar nun debate sobre o interese xeral da propiedade. A costa española é unha das máis agredidas. Para EU é moi importante a ordenación do territorio e a protección do litoral, pero denunciamos que a súa aplicación é arbitraria e asimétrica, non ten en conta o patrimonio histórico e se está a actuar contra os máis modestos. Estase utilizando unha dobre rapadoira, afirmou o eurodeputado “fomos testemunhas nesta Comisión de que a aplicación da Lei de Costas é caprichosa e arbitraria, pois non se utiliza o mesmo patrón con grandes urbanizacións e complexos hostaleiros que con primeiras residencias e poboados que sempre conviviron de forma sostible co litoral".
O eurodeputado de Esquerda Unida instou a "estudar a recolocación de sectores populares que perderon da noite para a manhá a súa primeira vivenda" e "a contemplar indemnizacións apropiadas". Asemade propuxo que as queixas relativas á Lei de Costas seguisen abertas para facilitar a resolución e analizar os casos nos que se cometeron abusos. Por iso, expuxo á Comisión que remitise unha carta ás autoridades espanholas interesándose por todos estes casos, proposta que foi aceptada.
Para Esquerda Unida, tense que regular de forma efectiva a protección do litoral, pero a Lei de Costas non é coherente cos obxectivos que busca, dado que está afectando a poboacións tradicionais e está castigando aos habitantes de pequenos pobos costeiros que sempre conviviron de forma sostible co mar e os seus ecosistemas. Mentres proliferan grandes hoteis e urbanizacións de segunda residencia por toda a costa espanhola que representan un modelo económico insostible e sobre as que non se está a aplicar a dita lei, prodúcense derribas de pequenas vivendas, primeiras residencias, que son precisamente as construcións que tenhen un menor impacto ambiental.