A GUARDA

AS LOUCENZAS: UNHA ZOA DE MOITO PERIGO


Reportaxe (Fotos e texto): Infogauda

Se algúns munícipes - os do grupo maioritario, ou do goberno municipal, para ser máis concretos, e os dos demáis grupos, tamén chamados oposición - do Concello de A Guarda cumprisen coas súas obrigas, nomeadamente os que cobran unhas nada desprezables retribucións en metálico a conta do erario público, probablemente non se darían situacións como á que aquí e agora damos a coñecer.

Se súas "excelencias" - é un decir, evidentemente - do grupo maioritario, tiveran o detalle de preocuparse polas "pequenas cousas", esas que día a día atixen os cidadáns, probablemente non sería necesario chamar á atención dos lugares que presentan un evidente estado de abandono e tamén de considerable perigo. Para mostra, non hai máis que achegarse ata o miradoiro das Loucenzas. Nese lugar, aparte doutros atractivos naturais e paisaxísticos - que certamente non son obra de ningún mediocre -, podemos atoparnos con "perlas" como a que amosamos con detalle, na seguinte imaxe.

Como se pode comprobar, estamos n´un lugar aparentemente seguro para pequenos e maiores, e resulta que pola inxustificable ineficienza de uns cantos que somentes semellan interesarse por outras cousas, o perigo está ahí. Agardando polo veciño ou polo visitante confiado ou despistado, que se achega a ese lugar para disfroitar da paisaxe, para xantar ou simplemente para descansar antes de continuar a viaxe, e n´un descuido pode ser víctima do abandono existente, e como consecuencia diso, mancarse nos ferros - que como o da imaxe - "frorecen" entre o que resta de un poste de madeira.

A situación é grave porque nese poste de madeira podre concéntrase un evidente perigo que algúns ignoran porque o deles é a política e os cartos que esa actividade conleva. Non o servizo os cidadáns.

Nesta outra imaxe podemos apreciar outro anaco do devandito madeiro, no cal ollamos outro ameazante ferro que "loce" espetado nese soporte, merecente de recupera-lo e leva-lo para unha sala dos horrores municipais, por subliñar algunha utilidade "práctica".

Por iso, a día de hoxe, As Loucenzas é un lugar de moito perigo. E desde Infogauda queremos dar a coñecer eses feitos para ver se algúns se decatan da súa gravedade e adoitan as medidas pertinentes - que son ben doadas - para evitar que ninguén resulte danado. Non vaia a ser que alguén se manque e logo ninguén queira saber do asunto, como por certo, xa temos constancia diso.

Rematamos por hoxe, salientando que polo prezo que algúns munícipes lles custan as arcas municipais - é decir os veciños de A Guarda -, coidamos que deberan evitar que estas cousas sean unha mostra de ineficacia e mesmo de ineptitude.