A GUARDA

A Agrupación Coral Polifónica da Guarda viaxa a Évora (Portugal) para participar no XV Concerto de Outono

Agrupación Coral Polifónica da Guarda
Foto: Manuel Martínez Vicente

Infogauda / A Guarda

A Agrupación Coral Polifónica da Guarda viaxará ata Évora (Portugal) o vindeiro día 10 de outubro para participar no XV Concerto de Outono na Igreja da Misericórdia en Montemor - O Novo. Neste acto, organizado pola Coral de Santo Domingo, a Agrupación Coral Polifónica da Guarda interpretará pezas de polifonía sacra, música do mundo e folclore galego e portugués. A coral, segundo informou Gloria Portela Loureiro, Relacións Públicas da Agrupación Coral Polifónica da Guarda, aproveitará a viaxe pola rexión do Alentejo para visitar a cidade de Évora, que polo seu centro histórico, encóntrase na lista do Patrimonio Mundial da Unesco.
Posteriormente o día 12 de outubro a Agrupación Coral Polifónica da Guarda cantará a Missa do Peregrino no Altar da Jacinta da Basílica Principal da Nossa Senhora do Rosário de Fátima, as doce da mañá. A coral guardesa interpretará Canticorum Jubilo de G.F. Haendel como canto sacro de ambientación antes da missa, o Ave María, de Jacob Arcadelt (Siglo XVI) ó ofertorio, na comunión o canto eucarístico, Cantemos al Amor, e para finalizar, Oh Virgen del Rosario de Fátima.