O ROSAL

O LIBRO "OS MUIÑOS DO FOLÓN E DO PICÓN NA VILA DO ROSAL. CONXUNTO HISTÓRICO-ETNOGRÁFICO DE GALICIA", DE XOÁN MARTÍNEZ TAMUXE E JUAN RAMÓN MARTÍNEZ BARBOSA, UNHA OBRA INELUDIBLE

Infogauda / O Rosal

Culminando unha labor de máis de tres décadas de estudo, investigación e recolleita de datos, Xoán Bautista Martínez González (Xoán do Tamuxe) e seu fillo Juan Ramón Martínez Barbosa, presentaron un libro do cal, ambos os dous rosaleiros, pai e fillo, son co-autores.

A presentación, presidida polo presidente da Deputación Provincial de Pontevedra, Rafael Louzán Abal, tivo lugar o luns día 20 deste mes de Santiago, no magnífico Auditorio Municipal do Rosal. O brillante acto, contou tamén - como xa adiantamos oportunamente - coa asistencia do alcalde do Rosal, Jesús María Fernández Portela, e por suposto dos autores do libro que leva por título "Os muíños do Folón e do Picón na vila do Rosal. Conxunto histórico-etnográfico de Galicia".

Perfectamente organizado, o acto contou tamén coa asistencia de varias representacións de concellos do Baixo Miño e mesmo do Condado e de Vigo, así como unha representación de veciños do Rosal, da Guarda e de Baiona. Por iso, e polo perfecto desenvolvemento da presentación, o presidente da Deputación dixo e reiterou sentirse "moi satisfeito con esta obra", o tempo que remarcou o compromiso da Corporación Provincial en seguer apoiando este tipo de traballos que contribúen a poñer en valor o noso patrimonio.

Con un atinado limiar da autoría de Fernando Javier Costas Goberna, membro do Instituto de Estudos Vigueses; máis de duascentas páxinas e unha morea de imaxes fotográficas en b/n e tamén en cuatricomía, a devandita publicación é unha formidable achega que permitirá tanto os rosaleiros como os milleiros de visitantes dese singular conxunto etnográfico, un abondoso aproveitamento cultural e divulgativo. Precisamente para contribuir a súa divulgación foi como no seu día o activo Xoán Martínez Tamuxe escomenzou súa tarefa de recoller e peneirar toda a información que ía conquerindo.

Outro dos propósitos de Martínez Tamuxe foi promove-la recuperar dese patrimonio formado por 67 enxeños hidráulicos - 36 muiños na parte do Folón e 31 na parte do Picón - que semellaba estaban condeados o esmorecemento.

"Naceu a idea e proxecto da preparación deste libro - dixo Xoán Martínez Tamuxe - por suposto non de carácter científico, senón divulgativo, a propósito da oportuna e case providencial iniciativa do Concello, de restaurar aqueles antigos e ultimamente arruinados e xa case lendarios e fantasmagóricos muíños do Folón e do Picón, cuxo deplorable estado clamaba ao ceo. Ante tal sorte e oportunidade de recuperar tan prezado e singular patrimonio, como é este conxunto industrial de carácter rural, sentiuse a conveniencia e necesidade de coñecelo na súa integridade. Pensouse por elo nesta publicación xa que así achegaría aos propios donos, aos rosaleiros e a calquera visitante o seu valor histórico, etnográfico, antropolóxico e socio-cultural, sen esquecer a súa posible repercusión no turismo galego".

Editada pola Deputación, "(...) esta pubricación - segundo afirmou Juan Ramón Martínez Barbosa - levouse a cabo grazas á recopilación de datos que comezou hai preto de 40 anos no caso de Tamuxe e a máis de 10 no meu: investigación por diferentes arquivos, revisión de multitude de libros, documentos, falar con innumerables veciños do Rosal e arredores, etc".

Grazas a labor de pescuda, os autores da publicación desmontan o secular mito que atribuía a envergadura desta obra o Mosteiro de Santa María a Real de Oia. "Coidamos - engadiu Martínez Tamuxe - que polos documentos aportados e as diversas consideracións ante a total ausencia de mencións a propiedades, foros, ventas, permutas, etc., na bibliografía do Mosteiro de Oia, referente a estes muíños, probamos as nosas teses de que foron realizados polos veciños da xuradía de Fornelos".

Para acceder a reportaxe fotográfica de Ruth Martínez Barbosa, premer aquí.

Premer aquí, para saber máis.