DEPORTES

PIRAGÜISMO

POUCA FORTUNA PARA MANU OCHOA, NA CUARTA COPA DO MUNDO EN TACEN 

Manuel Ochoa

Informa (foto e redacción): Rosa Fernández Carrera

 Ao longo da pasada semana, Manuel Ochoa, o deportista do Club Deportivo Miño-Teixugos estivo concentrado en Tacen (Eslovenia), como membro da selección española de slálom para preparar e disputar a cuarta Copa do Mundo de Slálom.  

 A quenda chegoulle a Manu o domingo co caiac cross. Comezaron coas contra reloxos para determinar que deportistas pasarían a fase de loitas. Manu empezou moi ben a súa baixada, e aínda que na última parte foi algo máis lento, rematou décimo primeiro, acadando comodamente o paso para a ronda de eliminatorias. Nas eliminatorias entrou segundo, por detrás do suízo Rohrer, pero nun enfrontamento na primeira porta, a súa barca subiu por enriba dun compañeiro e tocoulle no corpo, sendo sancionado cunha falta e quedando eliminado. Na clasificación final rematou vixésimo sétimo.  

 O teixugo atópase nestes momentos na cidade xermana de Augsburg para preparar a Copa Final do Mundo que se disputará o 5, 6 e 7 de setembro. As Copas do Mundo son varias competicións nas que os deportistas van sumando puntos a modo de liga; na clasificación xeral, Manu, está en terceiro lugar por detrás do suízo Jan Rohrer e do francés Mathurin Madore, e, a falta do resultado de Augsburg.