A GUARDA

O novo circuito de impulso da Guarda estará lista neste verán

• As obras na zona multideportiva da Atalaia xa deron comezo e avanzan a bo ritmo 

   

O alcalde de A Guarda, Roberto José Álvarez Carrero e o concelleiro Óscar Alonso Álvarez, visitando a zona onde estánse realizando os traballos

Foto: C.A.G.

Infogauda / A Guarda  

 A zona próxima ao contradique de Punta Xenete, nas inmediacións da réplica da Atalaia - que acolle o Museo do Mar de A Guarda -,  está sendo obxecto de grandes cambios nas últimas semanas. Tras a renovación da varanda, a pìsta multideportiva está a ser completamente renovada, con canastras e porterías novas que están sendo instaladas.  

 Ademais, ao seu lado, estáse a construír un novo circuito de impulso cunha extensión de aproximadamente 250 metros cadrados. Alí poderase practicar deportes sobre rodas como a patinaxe, monopatín longo, patíns, patinetes, BMX, MTB, entre outros.  

 Deste xeito, integrarase ás demais infraestruturas existentes e ampliará a oferta deportiva municipal. Agárdase que a zona multideportiva se poda desfrutar completamente a comezos do mes de agosto.   

 O alcalde, Roberto José Álvarez Carrero, destacou que «o circuito de pumptrack é parte do proxecto de rehabilitación integral deste espazo polideportivo, que busca fomentar o deporte entre a xuventude guardesa».   

 Este proxecto conta co apoio do Plan de Infraestructuras Deportivas da Deputación de Pontevedra, cunha aportación de 60.000 euros para a pista de impulso e de 75.000 euros para a a rehabilitación do resto de pistas da zona da Atalaia.