DEPORTES

ATLETISMO

DOUS ATLETAS GUARDESES PARTICIPARON NO MUNDIAL DE MARATÓN MASTER

• José Carlos Ferreira González (Ferre) e  José Antonio Vázquez Fernández (Pepix), campión mundial M50 e subcampión mundial M40, respectivamente, por equipos 

José Carlos Ferreira González e José Antonio Vázquez Fernández amosando os seus dorsais 

Fotos: Cedidas

Redacción Deportes / A Guarda

 O Mundial de Maratón Master celebrado o pasado domingo 13 de outubro, en Bucarest (Romanía) foi o escaparate do atletismo internacional. Dos 40 atletas españoles que participaron nese evento deportivo, dous son atletas guardeses: José Carlos Ferreira González e  José Antonio Vázquez Fernández.

 José Carlos Ferreira González, máis coñecido como Ferre, completou os 42,195 km en 3:13:04, acadando o posto 25º. Ademais, o equipo español da súa categoría, M50, logrou o campionato mundial.

 Pola súa banda, José Antonio Vázquez Fernández, máis coñecido como Pepix, conseguiu acadar a súa mellor marca persoal, rebaixándoa sete minutos ata os 2:55:52. Deste xeito logrou o posto 21º, e o equipo español da súa categoría, M40, logrou o subcampionato mundial.  

 Desde logo, ambos son exemplo da calidade do atletismo guardés, desde as categorías máis pequenas ata as master e en distancias de longo percorrido como o maratón de 42,195 km, nas que o fondo físico e a resistencia dos atletas queda de manifesto.  

 Parabéns a José Carlos Ferreira González e  José Antonio Vázquez Fernández por todo o seu esforzo deportivo e pecuniario!