O BNG INSTA AO ALCALDE DA GUARDA A RETOMAR AS RETRANSMISIÓN DOS PLENOS
Infogauda / A Guarda
O portavoz municipal do BNG, Anxo Lois Baz Vicente, insta “ao alcalde da Guarda a que volva a retransmitir os plenos, como se viña facendo durante estes anos”.
“O último pleno que se retransmitiu, foi o extraordinario do 17 de xuño de 2023, no que tomou posesión o novo goberno municipal. A partir dese día, o Partido Popular de Carrero e Fariñas, optaron polo apagón informativo, impedindo que á veciñanza da Guarda coñeza de primeira man as decisións que toman os seus representantes”, afirma Anxo Lois Baz.
“A transparencia - engade o portavoz nacionalista -, o acceso á información pública e as normas de bo goberno deben ser os eixos fundamentais de toda acción política. A supresión das retransmisións denota escurantismo e falta de transparencia”.
“A veciñanza da Guarda ten dereito a estar informada do que sucede no concello, das propostas que se fan tanto dende o equipo de goberno como desde os grupos da oposición. A sociedade merece coñecer como se toman as decisións que lle afectan, ou como se manexan os fondos públicos”, argumentou Anxo Lois Baz, para acabar concluíndo: “Dende o BNG esixímoslle ao equipo de goberno que recapacite, que retome a vía democrática e volvan retransmitir os plenos”. ,
Ningún comentario:
Publicar un comentario