A GUARDA

ANXO LOIS BAZ ACOMPAÑADO DE ANA PONTÓN PIDE O APOIO DA SOCIEDADE PARA DARLLE A GUARDA O FUTURO QUE MERECE    

Anxo Lois Baz acompañado da portavoz  nacional do BNG, Ana Pontón e das persoas que o acompañan na candidatura, participaron nunha visita ao comercio da localidade

Infogauda / A Guarda

 Na tarde de onte o candidato polo BNG á alcaldía, Anxo Lois Baz Vicente acompañado da portavoz  nacional do BNG, Ana Pontón Mondelo e das persoas que o acompañan na candidatura, participaron nunha  visita ao comercio da localidade.   

 Anxo Lois Baz, pediu o apoio da sociedade “para darlle A Guarda o futuro que merece  e desenvolver un proxecto que vai colocar a vila, na vangarda da comarca afastándoa   da parálise na que está instalada”. Para levar adiante ese proxecto destacou “contamos cun grupo de mulleres e homes  entusiastas e vitais, co empuxe e o optimismo  que tanto necesitamos para saír adiante. Unha equipa solvente, capacitada, ilusionada, que combina a experiencia coas novas ideas”.  

 Pola súa parte a portavoz nacional do BNG, Ana Pontón,  fixo un chamamento a  facer historia na Guarda concentrando en Anxo Lois Baz todo o voto das persoas que queren un cambio real na Guarda e enfatizou “o BNG ten  un modelo municipal de éxito, de calidade e de prestixio, que transforma en positivo. No Baixo-Miño temos exemplos ben claros deste modelo, que aporta as solucións máis vangardistas aos retos deste século XXI, como o da mobilidade, o  cambio climático, a  xestión de residuos ou a preservación do noso medio ambiente, dándolle calidade de vida a xente e dinamizando a economía”.