A ASOCIACIÓN CULTURAL ALFOMBRAS DA GUARDA CONVIDA Á CIDADANÍA A COLABORAR
Infogauda / A Guarda
A Asociación Cultural Alfombras da Guarda vén de facer público un cartel - como o que o reproducimos nesta crónica - e un comunicado que dí:
"Xa estamos no tempo das alfombras e, dende a nosa asociación, queremos convidarvos a participar na preparación e elaboración das mesmas.
A partir do día 27 estaremos desfollando nos lugares habituais e, se o prefires, tamén podes facelo na túa propia casa. Para calquera dúbida, contacta connosco a través dos teléfonos dos representantes de cada rúa que aparecen no cartel.
Necesitamos as túas mans! Colabora connosco!"
Nin que decir ten que esa chamada pública á colaboración vai dirixida á cidadanía en xeral, sin distinción de idades, sexos, dispoñibilidades, lugares de residencia,...
De tal xeito, que mulleres e homes, nenas e nenos, á convocatoria é ampla e hai sitio para todas/os.
Cada persoa que o desexe, xa sabe a onde pode dirixirse, contactando persoalmente ou mediante chamada teléfonica ou Whatsapp.
Os lugares e números de contacto son os seguintes:
Praza do Reló: 647 919 254
Praza de Ignacio Sobrino: 696 284 785
Rúa Oliva: 627 736 005
As Laxes: 676 004 763
Rúa do Medio: 630 611 004
Rúa Malteses: 620 149 566
Convento: 696 639 236
Rúa Concepción Arenal (2º tramo): 669 967 497
Rúa Concepción Arenal (3º tramo): 679 115 462
As alfombras de flores que o pobo de A Guarda vén realizando - desde fai varias décadas -, na honra do Santísimo Sacramento, son un labor colectivo, que comeza varias semanas antes da data de celebración da festividade. Dese xeito, son necesarias persoas que poidan sair á procura de material vexetal, vehículos para o transporte, mulleres e homes que realicen o traballo de debullado da materia prima,..., e por suposto, seres humanos voluntarios que na véspora do día do Santísimo marquen na rúa os motivos previamente deseñados e executen os correspondentes deseños. Todo iso, se se fai con ledicia, con boa vontade, e con espírito de colaboración, resulta unha experiencia moi gratificante.
Ningún comentario:
Publicar un comentario