CAMPOSANCOS (A GUARDA)

I Torneo de Petanca  OR. PA. GU. 2021 

32  equipos de Vigo,  Salvaterra, Nigrán, Arcade, Redondela,  Ponteareas e Camposancos, e máis  de 100 xogadores participarán nese evento deportivo

Vista do Parque Deportivo O Codesal, en Camposancos nun torneo precedente

Foto: Club de Petanca O  Caldeiro

 Julio Alfonso Galiñanes / Camposancos

 As instalacións do Club de Petanca O Caldeiro situadas no Parque Deportivo O Codesal, en Camposancos (A Guarda), acollerán  o sábado día 31 de xullo o I Torneo de Petanca OR. PA. GU. 2021, organizado por  OR. PA. GU. coa colaboración do Club de Petanca O  Caldeiro. En total, disputarán os trofeos 32  equipos de  tripletas mixtas, reuníndose máis de 100 xogadores. O horario previsto de competición é de 9:30 da mañá e estenderase ao longo de todo o día, estando prevista a entrega de trofeos ás 21:00 horas. 

 Ante a masiva demanda de solicitudes de inscrición que recibimos e que xa non se puideron atender a organización  de  OR. PA. GU.,  coa  colaboración do Club de Petanca O  Caldeiro, xa  pensan en duplicar no ano 2022 e atraer a este municipio a máis de 200 xogadores que beneficiarán a distintos negocios do mesmo.