O CONCELLO ORGANIZA A SAN SILVESTRE SOLIDARIA O ROSAL 2019
Infogauda / O Rosal
O Concello do Rosal organiza a San Silvestre Solidaria O Rosal. Este ano terá un obxectivo claramente solidario xa que os participantes que o desexen poderán achegar alimentos non perecedeiros ou xoguetes que serán recollidos durante a proba por Conrazones e SOS Tomiño.
A San Silvestre celebrarase o 31 de Decembro de 2019. Ás 11:00 horas realizarase a andaina e ás 12:00 a carreira.
A andaina terá unha distancia de 2.300 metros e a carreira non competitiva será de 4.000 metros.
Desde o Concello do Rosal animan a todas as persoas interesadas a anotarse no Concello do Rosal ata o 27 de decembro.
Ningún comentario:
Publicar un comentario