MULLER

ACTIVIDADES DA PLATAFORMA GALEGAS 8M

 Tras o éxito da convocatoria do ano pasado en Vigo e a folga de Mulleres do propio oito de marzo, a plataforma Galegas 8M retomou a súa actividade de cara á organización da manifestación feminista unitaria de 2019 e a convocatoria de Folga de mulleres, laboral, de consumo, de coidados e estudantil. 

 A plataforma leva reuníndose nas vilas de toda Galiza desde o mes de xaneiro, unindo a múltiples colectivos e mulleres individuais, nun traballo conxunto de cara a garantir o éxito da manifestación nacional feminista, que terá lugar o día 3 de marzo en Lugo, así como, da folga de mulleres en todo o país.     

 En Vigo levamos traballando arreo organizando asembleas, encontros, actos, accións de rúa, elaboración de materiais, puntos de información,.... Nesta última recta antes da convocatoria de folga, o noso traballo incrementarase notablemente, especialmente nos barrios e na nosa presenza na rúa, có fin de difundir e animar a todas as mulleres da nosa comarca a sumarse aos actos de galegas 8m e facer folga o propio 8 de marzo, día no que convocaremos manifestación na nosa cidade pola tarde.     

 Porque, para nós, é importante que o día 3 de marzo en Lugo, tal e como foi o ano pasado na manifestación de Vigo, haxa unha enorme presenza de mulleres na rúa, baixo o lema “Por todas as mulleres, por todos os dereitos: Revolta feminista”, e có fin de reclamar un mundo diferente, no que o dereito a vivirmos unha vida digna se coloque no centro da axenda política, económica e social, organizamos autobuses para ir xuntas ese mesmo día a Lugo. Os bonos para os buses están a venda nos seguintes lugares: 

•    Casa das mulleres, Romil, 20 

•    Local da CIG, Grgorio Espino nº 47 

•    Local da CUT, Urzáiz, 71 

•    A cova dos ratos, Romil, 3 

•    L.S. Faisca, Toledo, 9 

•    C.S. Fuscalho, Punta Xenete, A Guarda.

•    A Casa Colorida, Rosalía de Castro, 16 (Nigrán).   

Reclamamos:

•    Soberanía sobre os nosos corpos e identidades 

•    Soberanía sobre os nosos desexos 

•    Soberanía sobre a Vida que escollemos vivir 

•    Soberanía alimentaria. 

•    Soberanía política para o noso país 

•    Unha sociedade xusta na que os coidados sexan tarefa de todas as persoas e avida sexa o centro da axenda política •    Garantir a igualdade de oportunidades e de dereitos nas condicións de traballo e na esfera social. 

•    O dereito a unha vida sen violencias de ningún tipo. 

 Aproveitamos para informar que estamos a ter diferentes encontros nas asociacións veciñais da cidade, a vindeira terá lugar este venres 22 de febreiro, un encontro aberto organizado por galegas 8M na asociación veciñal do Calvario ás 17:00. Animando a todas as mulleres do barrio a participar.     

 Alén desta actividade nos próximos días realizaremos diferentes xuntanzas, obradoiros, actos e repartos de propaganda.

 O sábado de mañá estaremos repartindo información sobre Galegas8M e as convocatorias feministas de manifestacións, en Lugo o día 3 e en Vigo o día 8, nos diferentes mercados da cidade.

(R.)