A GUARDA

JOAQUÍN CADILLA CASTRO, DE A GUARDA, GAÑADOR DO XXX CERTAME  DE POESÍA FELICIANO ROLÁN VICENTE

O acto da entrega de premios terá lugar o martes día 9 de agosto ás 21:30 horas no salón de actos do Centro Cultural da Guarda

Monumento o poeta Feliciano Rolán Vicente, obra do escultor Magín Xulio Picallo Durán

Foto: Infogauda

Infogauda / A Guarda

 Julia Sobrino González e María Soledad Diz Amil, presidenta e secretaria, respectivamente, da Agrupación Cultural Guardesa, veñen de facer público que o día 26 de xullo tivo lugar a reunión do Xurado Cualificador do XXX Certame de Poesía Feliciano Rolán no local da Agrupación Cultural Guardesa. 

 Formaron parte do xurado Fátima Pérez Sobrino, licenciada en Filoloxía Hispánica; Florentina Andrés Álvarez, profesora e doutora en Ciencias Políticas; Chuny Vázquez Vicente, poetisa e pintora; María Carmen Álvarez González, mestra de Educación Primaria; María Soledad Diz Amil, licenciada en Xeografía e Historia e bibliotecaria do Concello da Guarda. 

 O xurado acordou premiar aos seguintes poetas: 

1º Premio: Joaquín Cadilla Castro, da Guarda, polo poema “O patio”. 

2º Premio: José Repiso Moyano, de Málaga, polo poema “Arrodillamiento no disponible”. 

3º Premio: Alberto de Frutos Dávalos, de Madrid, polo poema “Volver”. 

Accésit: Jonatán Rodríguez Cabaleiro, de Ponferrada, polo poema “Ser espido”. 

 O acto da entrega de premios terá lugar o martes día 9 de agosto ás 21:30 horas no salón de actos do Centro Cultural da Guarda. Ao final do acto os asistentes recibirán un libriño cos poemas premiados. 

 Neste evento poético actuará o Grupo de Clarinetes KLASON, da Agrupación Musical do Rosal e A Guarda.