A GUARDA

Mañá celébrase a “Marcha por Rosalía” na que participan escolares de todos os colexios guardeses

Esta actividade tivo que ser aprazada por motivos meteorolóxicos. Os rapaces lerán un poema e cantarán xuntos na Praza do Reló

O mural adicado á Rosalía de Castro está sendo realizado por escolares de A Guarda

Foto:C.A.G.

Infogauda / A Guarda

 A “Marcha por Rosalía” organizada polo Concello de A Guarda en colaboración cos centros escolares da vila celébrase mañá martes, día 1º de marzo.

 Nesta actividade, os nenos participantes sairán dende o seu centro escolar ás 11:30 horas, portando un distintivo conmemorativo e se concentrarán todos na Praza do Reló.

 Alí, conxuntamente, lerán un manifesto para pór en valor a figura de Rosalía de Castro. Ademais os nenos e nenas cantarán a canción do poema “Adios ríos, adios fontes” e, por último, se lerá un poema da nosa escritora máis representativa.

 O obxectivo desta marcha é que os nenos traballen arredor da figura de Rosalía de Castro.

 O Concello de A Guarda quere convidar aos veciños da localidade a gozar desta actividade.

Outras actividades

 A programación para pór en valor a figura de Rosalía de Castro tamén contaba coa pintada dun muro que contou coa colaboración dos alumnos de Educación Secundaria.

 Ademais o sábado celebrouse un acto no Centro Cultural no que Manuel Cadilla Rey recitou algúns dos poemas de Rosalía de Castro e grupos como  “Carainas”, “Ghaiteiros do Carreiro” e “Tremelique”, da Agrupación Cultural Guardesa foron os encargados de pór a música.

 O evento foi presentado por Beti Rey Ferreira.