TOMIÑO

O gabinete Orientalia cambia a súa localización 

O centro manterá os seus servizos de psicoloxía, psicopedagoxía e logopedia  

Infogauda / Tomiño

 A partir do martes 13 de outubro o gabinete Orientalia trasladará a súa actividade a un novo local situado na esquina entre a Rúa do Rosal e o Camiño do Alivio no contorno da nova Praza do Seixo.  

 Orientalia, que ven de celebrar o segundo aniversario da súa apertura, manterá os servizos de psicopedagoxía, logopedia e psicoloxía para todas as idades a os que se lle irán sumando, puntualmente, charlas e talleres.  

 Bibiana Álvarez, directora do centro, afirma que "co cambio de local búscase manter a atención personalizada a os usuarios nunhas mellores instalacións que faciliten o acceso e a comodidade de adultos e nenos". Así mesmo, invita a todo aquel que o desexe a visitar as novas instalacións e informarse sen compromiso sobre os servizos que ofrece o centro.

(R.)