VAL MIÑOR

• Socialistas revelan máis datos sobre urbanizacións previstas na actual redacción do PXOM de Nigrán.
• 1 e 3 de maio: Os sindicatos de xornalistas chaman a defender os dereitos dos xornalistas
• Medio Rural investirá preto de 55.000 euros no asfaltado de tres camiños en Camos
• Nigrán acollerá o XXI Campionato Galego de Bolos Celta
• "Galicia quere información en galego"
• Á rúa contra o saqueo
• Os documentos do PXOM de Nigrán terán publicidade despois da súa presentación oficial cara ao Pleno.
• UCN-CDL de Nigrán ameaza deixar as reunións do PXOM se non hai "transparencia" por parte do alcalde.

Socialistas revelan máis datos sobre urbanizacións previstas na actual redacción do PXOM de Nigrán. Posted: 30 Apr 2012 01:09 PM PDT Baseados nunha copia da documentación do PXOMque obraría en su poder, o PSOE de Nigrán revelou esta tarde que o novo Plan inclúe 8 APIS (Áreas de planeamento incorporado), 20 PERIS (Plans Especiais de Reforma Interior), 10 SUD (solo urbanizable delimitado) e 32 Polígonos, "a grande maioría absolutamente in-desarrollables e que condenarán aos propietarios pagar dende a súa aprobación IBI urbano". "O problema do PXOM de Alberto Valverde non está no nulo crecemento das parroquias senón no desmesurado crecemento das zonas de costa", opinou a través dun comunicado o portavoz socialista Juan González.

1 e 3 de maio: Os sindicatos de xornalistas chaman a defender os dereitos dos xornalistas Posted: 30 Apr 2012 02:01 PM PDT "O Sindicato de Xornalistas denuncia que a reforma laboral prexudica máis que a ninguén aos xornalistas á peza e convoca a todos os profesionais a manifestarse polas súas reivindicacións. O 1 de maio, Día Internacional dos Traballadores, e o 3 de maio, Día Mundial da Liberdade de Prensa, conmemóranse este ano en momentos en que os profesionais dos medios de comunicación padecen unha agresión sen precedentes aos seus dereitos laborais e profesionais.

Medio Rural investirá preto de 55.000 euros no asfaltado de tres camiños en Camos Posted: 30 Apr 2012 01:51 PM PDT O Concello de Nigrán anuncia que a consellería de Medio Rural da Xunta de Galicia investirá preto de 55.000 euros no asfaltado de tres camiños na parroquia de Camos, nunha actuación enmarcada dentro do Programa Estratéxico de Infraestruturas no Medio Rural (PEIM).

Nigrán acollerá o XXI Campionato Galego de Bolos Celta Posted: 30 Apr 2012 01:42 PM PDT O Campionato Galego de Bolos Celta na categoría senior masculina chega á súa vixésima primeira edición con 78 participantes provenientes de máis de 20 clubs do Val Miñor. Esta competición, patrocinada polo Concello de Nigrán e a Deputación de Pontevedra, celebrarase mañá martes 1 de maio entre as 9.00 e as 14.00 horas nos campos do Centro Cultural de Camos Camoesa.

"Galicia quere información en galego" Posted: 30 Apr 2012 12:07 PM PDT  Os 26 medios que participan das "Vitaminas" presentan un manifesto cara o Día das Letras. "Sabemos tirar os penaltis e non facemos como o Barça e o Madrid" afirmaron os de Terbutalina no festival de Vitaminas para o galego que se celebrou na noite do pasado venres na Gentalha do Pichel en Santiago de Compostela. Ademáis do enerxético "gastro punk" dos de Muros, a xornalista Xiana Arias coordenou un acto no tamén participaron os poetas Gonzalo Hermo, Olalla Cociña e Alicia Fernández.

Á rúa contra o saqueo Posted: 30 Apr 2012 04:01 PM PDT Hoxe primeiro de maio é unha data para a reivindicación. Non por liturxia. Non por costume. Hoxe temos motivos e razóns abondo para nos mobilizar co gallo do Día do Internacionalismo Proletario. Ás contrareformas laborais e das pensións o goberno central do PP suma -cada día- novos recortes. E o executivo español inda ameaza con máis golpes contra as clases populares. Cada venres un nova puñada aos dereitos sociais e aos servizos públicos, como xa advertiu esta fin de semana o propio Rajoy.

Os documentos do PXOM de Nigrán terán publicidade despois da súa presentación oficial cara ao Pleno. Posted: 30 Apr 2012 10:04 AM PDT Os documentos do PXOM de Nigrán non serán dados a coñecer de forma pública ata despois da súa presentación oficial no Concello, cara a súa aprobación inicial no Pleno. Así o adiantaron esta tarde fontes do goberno municipal, sinalando que unha publicación oficial previa por parte da administración contravén as normas que rexen a tramitación deste tipo de expedientes. Nembargante, o alcalde Alberto Valverde anunciou unha próxima rolda informativa con tódolos interesados, grupos políticos e veciñanza, cara a brindar un balance das negociacións coa Xunta de Galicia e a actual situación do expediente.

UCN-CDL de Nigrán ameaza deixar as reunións do PXOM se non hai "transparencia" por parte do alcalde. Posted: 30 Apr 2012 05:03 AM PDT -O concelleiro Antonio Fernández Comesaña responsabiliza ao PSOE de supostas entregas de información privilexiada do PXOM a promotores e amigos. -UCN-CDL rexeita as restricións feitas pola Xunta de Galicia ás estimación de crecemento demográfico dos núcleos rurais de Nigrán.