LOUZÁN PRESENTA O NOVO CENTRO DE PROCESO DE DATOS DA DEPUTACIÓN QUE PERMITIRÁ ACHEGAR A CONCELLOS E VECIÑOS A AUTÉNTICA ADMINISTRACIÓN ELECTRÓNICA
O presidente da Deputación, Rafael Louzán, acompañado polo técnico responsable de Novas Tecnoloxías da entidade provincial, Amancio Varela, presentou esta mañá o novo CPD (Centro de Proceso de Datos) da Deputación de Pontevedra.
O CPD é lugar físico onde se aloxará toda a enorme infraestrutura do Plan eDepo; o centro neurálxico de todos os servizos que a Deputación ofrecerá a concellos e ós seus propios centros a través deste plan. En palabras de Louzán, «se os servidores, equipos de comunicacións, cabinas de almacenamento, etc. son o contido do Plan eDepo a CPD é o continente».
Esta infraestrutura estará disposta no soto do novo edificio administrativo da Deputación, antiga sede de Educación en Pontevedra, e medirá uns 52,15 m2 entre a zona técnica e a zona de servidores.
En canto á instalación do CPD, será acorde coa normativa vixente TIA 942, o que inclúe a utilización de: paneis antilume; compartimentos estanco; sistema de monitorización de alarmas; sistema de refrixeración, que mantén a sala a non máis de 21º; sistema de control dos accesos para garantir a seguridade física dos equipos e cumprir coa lei de protección de datos; sistema de extinción de lumes; e un sistema de alimentación eléctrica autosuficiente (SAIs redundantes e grupo electróxeno), que garante o funcionamento en caso de fallo eléctrico.
Moitas vantaxes e un consumo mínimo
Entre as melloras e puntos de vantaxe que implica o novo CDP o presidente provincial fixo especial fincapé en que «permítenos garantir a prestación de servizos ós cidadáns e, ademais, ten uns custes de mantemento inferiores os dos mini CPD´s que temos actualidade». O técnico, Amancio Varela, engadiu que a nova instalación permite incrementar a seguridade, mellorar o aforro enerxético, cumprir a normativa de Protección de Datos actual e, ademais, é respectuosa co medio ambiente.
Para rematar, Louzán manifestou a importancia que ten a posta en marcha do novo CPD da Deputación xa que «é un paso vital de cara a implantación da auténtica administración electrónica».
O CPD é lugar físico onde se aloxará toda a enorme infraestrutura do Plan eDepo; o centro neurálxico de todos os servizos que a Deputación ofrecerá a concellos e ós seus propios centros a través deste plan. En palabras de Louzán, «se os servidores, equipos de comunicacións, cabinas de almacenamento, etc. son o contido do Plan eDepo a CPD é o continente».
Esta infraestrutura estará disposta no soto do novo edificio administrativo da Deputación, antiga sede de Educación en Pontevedra, e medirá uns 52,15 m2 entre a zona técnica e a zona de servidores.
En canto á instalación do CPD, será acorde coa normativa vixente TIA 942, o que inclúe a utilización de: paneis antilume; compartimentos estanco; sistema de monitorización de alarmas; sistema de refrixeración, que mantén a sala a non máis de 21º; sistema de control dos accesos para garantir a seguridade física dos equipos e cumprir coa lei de protección de datos; sistema de extinción de lumes; e un sistema de alimentación eléctrica autosuficiente (SAIs redundantes e grupo electróxeno), que garante o funcionamento en caso de fallo eléctrico.
Moitas vantaxes e un consumo mínimo
Entre as melloras e puntos de vantaxe que implica o novo CDP o presidente provincial fixo especial fincapé en que «permítenos garantir a prestación de servizos ós cidadáns e, ademais, ten uns custes de mantemento inferiores os dos mini CPD´s que temos actualidade». O técnico, Amancio Varela, engadiu que a nova instalación permite incrementar a seguridade, mellorar o aforro enerxético, cumprir a normativa de Protección de Datos actual e, ademais, é respectuosa co medio ambiente.
Para rematar, Louzán manifestou a importancia que ten a posta en marcha do novo CPD da Deputación xa que «é un paso vital de cara a implantación da auténtica administración electrónica».
«A aprobación deste proxecto», engadiu, «ven a demostrar que a austeridade non é incompatible con ter mellores servizos nin con seguir investindo en infraestruturas produtivas».
Ningún comentario:
Publicar un comentario