A GUARDA

O BNG explicou na Guarda o que vai supor para as economías familiares a nova lei da auga aprobada polo Partido Popular

Henrique Viéitez e Xan Lois Lomba durante a súa intervención

Xan Lois Lomba: "Esta nova Lei de Augas ten como único obxectivo incrementar a recadación por parte do goberno do Sr. Feijóo a costa de todos os galegos e galegas"

Infogauda / A Guarda

O pasado xoves día 3, o BNG organizou no Centro Cultural da Guarda un acto para informar a todos os veciños e veciñas sobre a nova Lei de Augas. Neste acto, presentado polo portavoz municipal, Xan Lois lomba Alonso, o BNG contou coa presenza do seu deputado no Parlamento Galego, Henrique Viéitez, quen explicou polo miudo o que esta nova lei vai supor para a economía de toda a poboación.

Na presentación o concelleiro Xan Lois Lomba resumía deste xeito a nova lei: "Esta nova Lei de Augas ten como único obxectivo incrementar a recadación por parte do goberno do Sr. Feijóo a costa de todos os galegos e galegas".

Dende o BNG non entenden que nun momento como o que atravesamos, de grave crise económica e cun importante número de galegos e galegas no paro, o Goberno do PP leve adiante esta lei inxusta e antisocial que prexudica á inmensa maioría da poboación de Galiza.

O deputado Henrique Viéitez na súa intervención puxo un exemplo práctico co que quedou claro o que vai representar nas economías domésticas o novo canon da auga: "Unha familia de tres membros cun consumo de 30m3 mensuais verá incrementado o seu recibo en case que 10 euros ao mes".

COMENTARIOS DOS LECTORES DE INFOGAUDA

Anónimo dixo:

Xan, e non denuncias o adoctrinamento o que son sometidos os rapaces da Sangriña? Pero se sodes vós os que o facedes.