OURENSE ACOLLERÁ O III CONGRESO GALEGO DE MEDIO AMBIENTE E SAÚDE
Infogauda / Ourense
O vindeiro mes de abril Ourense converterase no referente medioambiental de Galicia coa celebración do III Congreso Galego de Medio Ambiente e Saúde, que se celebrará no Centro Cultural da Deputación de Ourense do 12 ao 16 de abril.
Conferencias, debates e sesións plenarias coa participación de relatores de prestixio internacional farán que a capital ourensá acolla “o evento máis importante da súa historia no que atinxe ao ámbito do medio ambiente”, segundo afirmou hoxe na presentación o profesor Francisco Peña, responsable do congreso.Peña explicou que o congreso, enmarcado dentro do Programa Galego de Municipios Saudables e Sostibles 200-2010, ten como obxectivo contribuír ao desenvolvemento sostible de Galicia así como mellorar a xestión nos aspectos medioambientais da saúde dos seus municipios e con elo, as condicións de vida dos cidadáns. “É moi importante ter en conta o peso específico que ten o medio ambiente como xerador de actividades capaces de producir emprego, renda, saúde e benestar na poboación, ademais de apoiar a formación e a reciclaxe de técnicos e medio ambiente e saúde, e propiciar a participación de todos os axentes sociais”, dixo Francisco Peña.Pola súa banda, o presidente da Deputación de Ourense, José Luis Baltar, afirmou que a institución provincial ven traballando no eido medioambiental facendo especial fincapé na xestión de augas e residuos. “A Deputación asumiu esta labor co seu Departamento de Medio Ambiente, ao fronte do cal está Javier Bobe, para dar servizo especialmente aos pequenos concellos, porque coa mellora do medio ambiente estamos contribuíndo a mellorar a calidade de vida dos cidadáns”.Baltar destacou que congresos como o que se vai celebrar en Ourense “daranlle un pulo á educación medioambiental, algo que no que todos temos que estar concienciados; e non me cabe ningunha dúbida que co excelente programa e co gran nivel dos relatores o congreso ten o éxito garantido”.O negociado de Formación da Deputación de Ourense, ao fronte do cal está Carlos Castiñeiras, será o encargado de realizar os traballos de Secretaría técnica do congreso, á cal deben dirixirse os interesados en inscribirse no congreso. O número de prazas é de 100, aínda que dada a demanda existe a posibilidade de ampliar este número. Numerosas web do ámbito medioambiental recollen xa o programa do congreso, así como a Obra Social de Caixa Galicia, co-patrocinador do evento.A Deputación de Ourense, sempre vencellada ao desenvolvemento sostible e a mellora medioambiental, colabora co congreso como sede anfitriona do mesmo, a cal estará ubicada no Centro Cultural da Deputación.Entre os temas que se abordarán no congreso figuran mesas de debate sobre “O modelo enerxético sostible”, “O patrimonio natural, forestal e mariño de Galicia”, “Os plans de actuacións da Confederación Hidrográfica Miño-Sil e de Augas de Galicia”, “A protección e mellora da calidade das augas”, “A xestión integral de residuos en Galicia”, “A empresa ante o reto medioambiental do século XXI”, e a “Posta en común sobre a xestión ambiental nas catro provincias galegas”.A conferencia de inauguración sobre “Novos retos na loita do cambio climático” estará a cargo do profesor Ignacio Elorrieta, mentres que a conferencia de clausura, que abordará a temática de “A paisaxe galega: un recurso socioeconómico para o desenvolvemento local”.
Conferencias, debates e sesións plenarias coa participación de relatores de prestixio internacional farán que a capital ourensá acolla “o evento máis importante da súa historia no que atinxe ao ámbito do medio ambiente”, segundo afirmou hoxe na presentación o profesor Francisco Peña, responsable do congreso.Peña explicou que o congreso, enmarcado dentro do Programa Galego de Municipios Saudables e Sostibles 200-2010, ten como obxectivo contribuír ao desenvolvemento sostible de Galicia así como mellorar a xestión nos aspectos medioambientais da saúde dos seus municipios e con elo, as condicións de vida dos cidadáns. “É moi importante ter en conta o peso específico que ten o medio ambiente como xerador de actividades capaces de producir emprego, renda, saúde e benestar na poboación, ademais de apoiar a formación e a reciclaxe de técnicos e medio ambiente e saúde, e propiciar a participación de todos os axentes sociais”, dixo Francisco Peña.Pola súa banda, o presidente da Deputación de Ourense, José Luis Baltar, afirmou que a institución provincial ven traballando no eido medioambiental facendo especial fincapé na xestión de augas e residuos. “A Deputación asumiu esta labor co seu Departamento de Medio Ambiente, ao fronte do cal está Javier Bobe, para dar servizo especialmente aos pequenos concellos, porque coa mellora do medio ambiente estamos contribuíndo a mellorar a calidade de vida dos cidadáns”.Baltar destacou que congresos como o que se vai celebrar en Ourense “daranlle un pulo á educación medioambiental, algo que no que todos temos que estar concienciados; e non me cabe ningunha dúbida que co excelente programa e co gran nivel dos relatores o congreso ten o éxito garantido”.O negociado de Formación da Deputación de Ourense, ao fronte do cal está Carlos Castiñeiras, será o encargado de realizar os traballos de Secretaría técnica do congreso, á cal deben dirixirse os interesados en inscribirse no congreso. O número de prazas é de 100, aínda que dada a demanda existe a posibilidade de ampliar este número. Numerosas web do ámbito medioambiental recollen xa o programa do congreso, así como a Obra Social de Caixa Galicia, co-patrocinador do evento.A Deputación de Ourense, sempre vencellada ao desenvolvemento sostible e a mellora medioambiental, colabora co congreso como sede anfitriona do mesmo, a cal estará ubicada no Centro Cultural da Deputación.Entre os temas que se abordarán no congreso figuran mesas de debate sobre “O modelo enerxético sostible”, “O patrimonio natural, forestal e mariño de Galicia”, “Os plans de actuacións da Confederación Hidrográfica Miño-Sil e de Augas de Galicia”, “A protección e mellora da calidade das augas”, “A xestión integral de residuos en Galicia”, “A empresa ante o reto medioambiental do século XXI”, e a “Posta en común sobre a xestión ambiental nas catro provincias galegas”.A conferencia de inauguración sobre “Novos retos na loita do cambio climático” estará a cargo do profesor Ignacio Elorrieta, mentres que a conferencia de clausura, que abordará a temática de “A paisaxe galega: un recurso socioeconómico para o desenvolvemento local”.
Ningún comentario:
Publicar un comentario