A GUARDA

ESTA MAÑANCIÑA PRODUCIUSE UN ACCIDENTE DE TRÁFEGO NA PROBA (SALCIDOS)

- Resultaron feridos 5 xóvenes - dous deles de gravedade - o empotrarse o vehículo no que ían, contra un muro a carón dunha casa na Proba (Salcidos), A Guarda

Foto: Leoncio Cividanes Álvarez

Infogauda / A Guarda

Arredor das 04.00 da mañanciña deste domingo día 14 de marzo, no P. K. 2,3 da estrada PO-353, A Guarda - Fornelos, un vehículo no que ían cinco mozos esnafrouse contra o muro de peche dunha casa.

A causa do forte impacto do coche, debido posiblemente a un exceso de velocidade - nese tramo de vía está limitada a 50 kms/h. -, fixose necesaria a intervención de efectivos do GRUMIR de A Guarda, para excarcerar a tres xóvenes que ían no asento posterior.

Ata o lugar do sinistro achegáronse varias ambulancias medicalizadas do 061, así como efectivos da Policía Local e da Garda Civil, e unha equipa de atestados de Tráfego.

Logo de facerlle a correspondente proba de alcolemia o conductor, os axentes comprobaron que duplicaba a tasa permitida.

No intre de redactar esta información dous dos mozos atópanse en estado grave.

Este accidente vén a confirmar unha vez máis á necesidade de implantar un servicio de transporte colectivo para que os mozos non conduzan logo de haberen estado consumindo bebidas ou substancias que poden alterar a súa consciencia é pór en perigo súas vidas é ás doutros usuarios das vías públicas.

Fotografías: Leoncio Cividanes Álvarez