GALICIA

CCOO e UGT convocan mobilizacións o 2 de marzo en defensa do sistema de pensións

José Antonio Gómez (UGT) e Xosé Manuel Sánchez Aguión (CC.OO.)

(Remitido)

O Sindicato Nacional de Comisións Obreiras de Galicia (CCOO) e UGT - Galicia convocan para o día 2 de marzo mobilizacións en toda Galicia en defensa do actual sistema de pensións e contra a pretensión de atrasar aos 67 anos a idade de xubilación. Os actos reivindicativos terán lugar ás 20 horas na Coruña, Ourense, Vigo e Vilagarcía de Arousa, e ás 19:30 en Lugo.

Estas mobilizacións encádranse na campaña estatal realizada polas dúas organizacións entre os días 23 de febreiro e 6 de marzo. Para Xosé Manuel Sánchez Aguión, secretario xeral do Sindicato Nacional de CCOO, o Goberno central non está a respectar o marco de negociación, e creou «alarma» cos anuncios realizados sobre as pensións, que cualificou como «o convenio colectivo máis importante».En opinión de Sánchez Aguión, agora mesmo «non hai razóns obxectivas» para formular reformas ao modelo de pensións, polo que as medidas do Executivo estatal deberían centrarse en reducir as «preocupantes» cifras de desemprego, especialmente nos casos daquelas persoas que esgotaron as prestacións sociais.

Mobilizacións

CIDADE -- HORA --- SAÍDA -- CHEGADA

A Coruña: 20h -- Praza da Palloza -- Delegación do Goberno

Lugo: 19:30h -- Edif. Sindicatos -- Subdeleg. do Goberno

Ourense: 20h -- Pavillón dos Remedios -- Goberno Civil

Vigo: 20h -- Cruzamento Vía Norte con Urzáiz -- (por determinar)

Vilagarcía de Arousa: 20h -- Casa do Mar -- Praza de Galicia