O ROSAL

NA VINDEIRA TEMPADA, NACHO PATIÑO DEIXARÁ DE SER ADESTRADOR DO MECALIA ATLÉTICO NOVÁS

Nacho Patiño, adestrador do Mecalia Atlético Novás



Infogauda / O Rosal

Ainda que polo de agora non queremos adiantar a identidade do novo técnico, Infogauda sabe de primeira mán, que a petición própia, e por motivos exclusivamente laborais, o até agora técnico do Mecalia Atlético Novás, Nacho Patiño Revuelta, deixará de ser o adestrador do primeiro equipo de balonmán, do Rosal, que milita na categoría de Primeira Nacional Masculina.

Segundo as fontes consultadas por Infogauda, foi Nacho Patiño quen lle comunicou súa decisión a directiva que preside Roberto Fernández Rodríguez, o tempo que propuxo para seu relevo a un prestixioso técnico cuia identidade nos consta. Sabemos onde reside e que equipo vén adestrando. Como ás negociacións aínda non remataron, coidamos que polo de agora, o máis prudente e non adiantar nada máis. Estamos seguros que os lectores deste xornal dixital comprenderán que desexemos o mellor para o Mecalia Atlético Novás, e por iso non indiquemos os datos do máis que probable novo adestrador do equipo rosaleiro.