¿FUNCIONA CORRECTAMENTE A REDE DE SANEAMENTO DA GUARDA?
Infogauda / A Guarda
- Desde fai bastante tempo, vimos observando que na Ribeiriña do porto de A Guarda, sobor de todo na baixamar, acostuma haber un "arrecendo" nada atractivo. Asemade, tanto na baixamar como na pleamar, temos visto "material flotante" que non imos descreber, pero que en todo caso, pregamos que se adoiten as medidas necesarias para que o "espectáculo" non continúe por máis tempo. ¡¡Xa abonda!!.
¿Funciona correctamente a rede de saneamento? Coidamos que non, e as probas nos remitimos.
OS AREAIS DAS PRAIAS DE CAMPOSANCOS TEÑEN REFUGALLOS
- En marzo houbo días de praia e os areais de Camposancos non presentaban a limpeza que os usuarios desexaban. En abril aconteceu idéntica situación e nesta primeira fín de semana de maio, máis do mesmo. Coidamos que ainda que a tempada estival non escomenzou, veciños e visitantes ben merecen que as praias estén limpas.
O GRUPO DE GOBERNO "ESQUECE" A NOSA HISTORIA COMO POBO
- Fai unhas semanas cumpríronse dous séculos desde que as tropas napoleónicas foron expulsadas do noso pobo. A diferencia doutros lugares de Galicia, na Guarda a efeméride pasou sen ningún tipo de conmemoración. Diríamos sen pena nen groria. Coidamos que o feito de cumplírense 200 anos bén merecía que se orgaizase algún acto ó efecto. En Caminha sí se tivo en conta. ¿E que o pobo de A Guarda non participou directa e heroicamente, fai dous séculos, nesas páxinas da Historia do noso país? Algúns deberían espricar porqué "pasaron" de conmemorar eses episodios. Craro que si o Grupo de Goberno "esqueceu" ese capítulo da nosa historia como pobo, e a oposición non fixo a labor que coidamos lle correspondería neste caso, e ningún concelleiro dos outros tres grupos municipais se preocupa de presentar as preguntas correspondentes ¿Para qué ían dar espricación algunha? ¿Non lles parece?
Ningún comentario:
Publicar un comentario