Infogauda / A Guarda
Na imaxe que lles amosamos podemos observar o busto en bronce, que corresponde o monumento erixido en lembranza da mestra Dna Aurora, da autoría do escultor de Tomiño, Xosé Antúnez Pousa. Como se pode comprobar, o monumento amosa as pegadas de barbarie, en forma de pintura de coor marela que afea a obra artística, feito do cal xa demos conta oportunamente neste xornal dixital, como saben as persoas que nos seguen a cotío.
A día de hoxe, o da pintura podería considerarse un mal menor, toda vez que segundo puidemos comprobar "in situ", o busto de bronce foi presuntamente violentado e un espárrago que o fixa na base pétrea está cortado, polo que poderíamos afirmar que "a primeira fase" do seu furto xa está rematada. Tan soio queda "a segunda fase", que se ninguén o impide, a bandidaxe podería rematar súa labor nas vindeiras horas desta longa fín de semana.
Desde Infogauda facemos un chamamento ás autoridades correspondentes para evitar que os amigos do alleo consumen o seu delito.
Ningún comentario:
Publicar un comentario