A GUARDA

RETIRADA DE  VEHÍCULOS ABANDONADOS

•  A corporación municipal do Concello de A Guarda decidirá mediante votación, respecto ao convenio de colaboración entre a Deputación de Pontevedra para dar continuidade ao servizo 

 

 Casa do Concello de A Guarda

Foto: Infogauda

Infogauda / A Guarda 

 A Corporación Municipal do Concello de A Guarda vai someter a votación a proposta da alcaldía respecto ao convenio de colaboración entre a Deputación de Pontevedra e os concellos de menos de 50.000 habitantes, para dar continuidade ao servizo de retirada de vehículos abandonados.

 Para poñer en perspectiva as persoas lectoras deste xornal dixital transfronteirizo en relación ao devandito convenio, reproducimos o documento ao cal tivemos acceso, e que dí o seguinte:

EXPEDIENTE 3225/ 2023 

PROPOSTA DA ALCALDÍA 

PRIMEIRO.- En data 11 de decembro de 2023 ( RC 4412) se recibe no Concello da Guarda por parte da Deputación Provincial de Pontevedra o borrador do CONVENIO DE COLABORACIÓN ENTRE A DEPUTACIÓN DE PONTEVEDRA E OS CONCELLOS DA PROVINCIA CUNHA POBOACIÓN INFERIOR A 50.000 HABITANTES PARA DAR CONTINUIDADE AO SERVIZO DE RETIRADA DE VEHÍCULOS ABANDONADOS.  

SEGUNDO.- Na sesión ordinaria celebrada polo Pleno o día 31 de xaneiro de 2024, tomouse o seguinte acordo que se transcribe literalmente:  

“PRIMEIRA.- Encomendar á Deputación Provincial de Pontevedra, ao amparo do que se prevé en o artigo 11 da Lei 40/2015, do 1 de outubro, de Réxime Xurídico do Sector Público - LRJSP-, a xestión do servizo de recollida de vehículos abandonados e o seu posterior tratamento de descontaminación, que permita ao Concello da Guarda dispoñer dun servizo gratuíto de recollida, transporte e tratamento dos vehículos abandonados que se atopen no seu termo municipal. 

 SEGUNDA.- A encomenda da xestión que se outorga non supón cesión de titularidade da competencia, sendo responsabilidade dos órganos municipais competentes ditar cuantos actos ou resolucións de carácter xurídico dean soporte á concreta actividade material obxecto de encomenda e, en todo caso, a resolución sancionadora, conformidade co establecido no artigo 21.1. n) da Lei 7/1985, do 2 de abril, reguladora das Bases do Réxime Local - LRBRL-, ou norma sectorial específica que atribúa correspondente. 

TERCEIRA.- A presente encomenda de xestión entrará en vigor o día seguinte á súa publicación no Boletín Oficial da Provincia, unha vez formalizado o convenio entre este Concello e a Deputación Provincial de Pontevedra , e o seu prazo de vixencia será de dous anos, podendo prorrogarse por dous anos máis en caso de acordo entre o concello e a Deputación sempre que se prorrogue o contrato que rexe a prestación deste servizo.  

CUARTA.- Aprobar o CONVENIO DE COLABORACIÓN ENTRE A DEPUTACIÓN DE PONTEVEDRA E OS CONCELLOS DA PROVINCIA CUNHA POBOACIÓN INFERIOR A 50.000 HABITANTES PARA DAR CONTINUIDADE  AO  SERVIZO  DE  RETIRADA  DE  VEHÍCULOS ABANDONADOS, e facultar ao señor Alcalde para a súa sinatura e cantos actos requira a formalización do mesmo (...).

TERCEIRO.- En data 19/01/2026 (RC 182) recíbese no Concello da Guarda proposta de prórroga do citado Convenio, xunto coa correspondente Addenda.   

 Foi emitido informe pola secretaría municipal e en virtude das facultades que me confire o ordenamento xurídico elevo ao Pleno a adopción do seguinte ACORDO:  

PRIMEIRA.- Prorrogar a encomenda á Deputación Provincial de Pontevedra, ao amparo do que se prevé en o artigo 11 da Lei 40/2015, do 1 de outubro, de Réxime Xurídico do Sector Público - LRJSP-, da xestión do servizo de recollida de vehículos abandonados e o seu posterior tratamento de descontaminación, que permita ao Concello da Guarda dispoñer dun servizo gratuíto de recollida, transporte e tratamento dos vehículos abandonados que se atopen no seu termo municipal. 

SEGUNDA.- A encomenda da xestión que se outorga non supón cesión de titularidade da competencia, sendo responsabilidade dos órganos municipais competentes ditar cuantos actos ou resolucións de carácter xurídico dean soporte á concreta actividade material obxecto de encomenda e, en todo caso, a resolución sancionadora, conformidade co establecido en o artigo 21.1. n) da Lei 7/1985, do 2 de abril, reguladora das Bases do Réxime Local - LRBRL-, ou norma sectorial específica que atribúa correspondente.  

TERCEIRA.- A presente encomenda de xestión entrará en vigor o día seguinte á súa publicación no Boletín Oficial da Provincia, unha vez formalizado o convenio entre este Concello e a Deputación Provincial de Pontevedra, e o seu prazo de vixencia será de dous anos.  

CUARTA.- Aprobar a ADDENDA DE PRÓRROGA AO CONVENIO DE COLABORACIÓN ENTRE A DEPUTACIÓN DE PONTEVEDRA E OS CONCELLOS DA PROVINCIA CUNHA POBOACIÓN INFERIOR A 50.000 HABITANTES PARA DAR CONTINUIDADE AO SERVIZO DE RETIRADA DE VEHÍCULOS ABANDONADOS a contar dende a data na que se compren os dous primeiros anos da sinatura do mesmo por cada un deles, nos termos e co mesmo alcance que figura no seu clausulado, e facultar ao señor Alcalde para a súa sinatura e cantos actos requira a formalización do mesmo (...)".

O Alcalde 

Roberto José Álvarez Carrero