A GUARDA

A unidade móbil de doazóns de sangue visitará a vila de A Guarda en xaneiro  

• O xoves día 5, de 10:15 ás 14:00 horas e de 16:30 a 21:00h e o sábado día 7 de 10:15 ás 14:30h.  

Infogauda / A Guarda

 A unidade móbil de doazóns de sangue visitará a vila de A Guarda no vindeiro mes de xaneiro, Estará emprazada na rúa Rosalía de Castro (diante do Centro Cultural) o xoves día 5, de 10:15 ás 14:00 horas e de 16:30 a 21:00h e o sábado día 7 de 10:15 ás 14:30h. 

 Grazas ao emprego destas unidades móbiles o Centro de Transfusión de Galicia, procura facilitar a todos os cidadáns o solidario xesto de doar sangue. Sen a implicación de todos é imposible acadar as 500 doazóns de sangue que cada día se precisan nos hospitais galegos. 

 Para doar sangue hai que almorzar previamente, e acudimos a doar despois de xantar debemos agardar 2 horas. Non debemos esquecer levar a tarxeta de doazón, DNI ou documento similar. 

 Asemade, debemos informar ao médico se estamos tomando algún medicamento. 

 É desexable solicitar cita para doar no teléfono gratuíto 900 100 828.