MONDARIZ

O PRESIDENTE DO CELTA VISITARÁ MONDARIZ A PRÓXIMA SEMANA TRAS ACEPTAR A INVITACIÓN PERSOAL DE ANA CORREDOIRA 

· A candidata do Partido Popular á alcaldía de Mondariz reuniuse esta mañá con Carlos Mouriño para propoñerlle esta visita ao municipio e, inmediatamente, o céltico comprometeuse a facelo a semana que vén xunto co senador Miguel Fidalgo

Ana Corredoira con Carlos Mouriño - a der. - e Miguel Fildalgo, esta mañá en Mondariz

Infogauda / Mondariz

 O presidente do Real Club Celta, Carlos Mouriño Atanes, visitará a próxima semana o municipio de Mondariz tras aceptar a invitación da candidata popular á alcaldía da localidade, Ana Corredoira Alonso, que esta mañá mantivo un encontro con Mouriño precisamente para facerlle este ofrecemento. “Mondariz é un pobo precioso, con moitos recunchos con encanto e con múltiples oportunidades por iso queremos que personalidades tan relevantes como o Sr. Carlos Mouriño coñezan o noso  Concello e, por que non, poida saudar aos afeccionados celestes que son moitos”, explica Corredoira. 

 A candidata popular expresa a súa “alegría” pola visita e agradece de antemán ao presidente a súa “dispoñibilidade” e a súa vontade de coñecer o pobo de Mondariz e tamén poder conversar cos seus veciños. Mouriño acudirá a esta vila do Condado acompañado do senador electo pola provincia de Pontevedra, Miguel Fidalgo Iglesias.