GOIÁN (TOMIÑO)

A AGRUPACIÓN MUSICAL DE GOIÁN CELEBRA O CONCERTO DE SANTA ICÍA 

A CITA É O SÁBADO 24 DE NOVEMBRO, ÁS 20:00 HORAS NO AUDITORIO, COA PARTICIPACIÓN DA BANDA XUVENIL, BAIXO A BATUTA DE PEDRO VILLARROEL GONZÁLEZ 

Actuación da Agrupación Musical de Goián no Auditorio Municipal

Foto: C. T.

Infogauda / Goián

 O próximo sábado 24 de novembro ás 20:00 horas, celebrarase no Auditorio de Goián o tradicional concerto de Santa Icía, no que participarán a Agrupación Musical de Goián e a súa banda xuvenil baixo a batuta de Pedro Villarroel González. 

 Será unha actuación moi festiva, co recordo recente dos dous premios obtidos en Santiago no XII Certame Galego de Bandas de Música. A banda de Goián volverá interpretar, entre outras, “Beltane” do compositor Andrés Álvarez, coa que realizou a “mellor interpretación dunha obra de temática galega” no Certame.  

 A festa continuará despois do concerto coa tradicional cea de Santa Icía nun restaurante, na que haberá xogos, bailes, humor, algunha sorpresa e moita música.