A GUARDA

O curso de escaparatismo de «EuRural» conclúe  na Guarda con éxito de participación  

Asistiron á formación 16 comerciantes, emprendedores e persoas desempregadas con interese no comercio de proximidade.  

O alcalde Antonio Lomba Baz e 2ª tenente alcalde de Montserrat Magallanes Álvarez, na entrega de diplomas aos participantes no programa formativo «O ben feito, ben parece»

Foto: C. A. G.

Sara Alonso / A Guarda

 A Asociación de Desenvolvemento Galicia Suroeste «EuRural» concluíu a pasada semana o seu programa formativo «O ben feito, ben parece»  na Guarda, coa entrega de diploma aos participantes. O curso contou con 16 alumnas e alumnos, que se formaron durante 36 horas en técnicas de escaparatismo, presentación de produtos, paquetería comercial e visual merchandising, completando as prazas ofertadas no municipioentre o 23 de maio e o 8 de xuño.  

 A formación dirixiuse tanto a os comerciantes e emprendedores do GDR 14 como a persoas desempregadas con interese no comercio de proximidade. Nesta liña,  o seu obxectivo é o de impulsar o crecemento e mellora do comercio local, ampliando os coñecementos relacionados coa venta e favorecendo, a un tempo, a xeración de novos postos de traballo.   

 «O ben feito, ben parece» continuará o seu itinerario formativo no concello de Nigrán durante o mes de setembro. O vindeiro ano, Tomiño e Mos acollerán o curso, no que poderá inscribirse calquera persoa que resida no territorio do GDR 14. As persoas interesadas poderán consultar a oferta formativa e inscribirse na páxina web da asociación.  

 Sobre «EuRural» 

 A Asociación de Desenvolvemento Galicia Suroeste «EuRural» é a entidade encargada de levar a cabo no territorio do GDR 14 (A Guarda, Baiona, Fornelos de Montes, Gondomar, Mos, Nigrán, Oia, Pazos de Borbén, Porriño, Redondela, O Rosal, Tomiño e Tui) a Medida europea LEADER 2014-2020 para o desenvolvemento das zonas rurais.   

 O pasado ano, a asociación decidiu crear a Escola EuRural como unha ferramenta a través da que canalizar todas as accións formativas que se desenvolver no territorio. En 2018, impúlsanse dende a escola dous itinerarios formativos os itinerarios formativos para a poboación do rural: «O ben feito ben parece» e «Coas mans na masa». Este último céntrase na elaboración artesanal de conservas e chegará á Guarda en febreiro do próximo ano.