10 de ago. de 2017

A GUARDA

A CIDADE DE VIGO E O REAL CLUB CELTA, TERÁN DESDE ESTE VENRES CANDANSÚA RÚA NA VILA DE A GUARDA



Preto do Centro de Saúde é onde comeza o vial urbán que leva o nome de Rúa do Celta
Fotos: Infogauda

Infogauda / A Guarda

 Con motivo do vixésimo quinto aniversario da Peña Celtista do Baixo Miño, e coincidindo coa celebración das Festas do Monte Santa Trega, o Concello da Guarda convida á cidadanía á inauguración da rúa Vigo e a rúa do Celta, este venres 11 de agosto ás 11:30 horas. 


No centro da imaxe, o lugar onde irá ubicada a praca da Rúa do Celta

 No devandito acto está prevista á presenza e intervencións do alcalde do Concello de Vigo, Abel Caballero; o presidente do R. C. Celta de Vigo, Carlos Mouriño, e o alcalde do Concello da Guarda, Antonio Lomba Baz. Estarán tamén presentes Vladimir Gudelj, ex xogador do R. C. Celta e hoxendía delegado de campo do clube vigués, e o xogador Sergio Álvarez, a deputada provincial de Emprego, Montserrat Magallanes  Álvarez e o presidente da Peña Celtista do Baixo Miño, José Carlos Rodríguez Barros, amais doutros membros da corporación local. 

 O  acto comezará na Primeira Transversal Bechos á altura da intersección coa rúa Galicia, onde se inaugurará a rúa Vigo. Deseguido, ás 12:00 horas, descubrirase a placa da rúa do Celta na Terceira Transversal Bechos, na contorna do Centro de Saúde. 

Ningún comentario: