Xornada Empresarial “Non te pares – Érguete!!”
Sábado día 15 de xullo, as 09:00 da mañá, na sala de exposicións da planta baixa, do Centro Cultural de A Guarda,
Érguete Baixo Miño / A Guarda
A Asociación Érguete Baixo Miño, organiza o vindeiro sábado día 15 de xullo a Xornada Empresarial “Non te pares – Érguete!!” que terá lugar no Centro Cultural de A Guarda, na sala de exposicións da planta baixa.
O acto, que dará comezo as 09:00 da mañá, está dirixido a todas aquelas persoas interesadas en coñecer de primeira man, a través do contacto directo con varias empresas da zona do Baixo Miño e arredores, información sobre o que buscan nos seus/súas potencias traballadores/as ou que perfís soen requirir para futuras contratacións.
As intervencións correrán a cargo de representantes das empresas:
· Cerámicas Técnicas Galegas, S.L. (Certega) – A Guarda
· Nortempo - Recursos Humanos y Trabajo Temporal
· Porriño Viveros Nilo, S.L. – Figueiró, Tomiño
Esta xornada é o peche do taller de formación e activación cara a procura de emprego que comezamos o 13 de xuño e que se enmarca dentro do Programa Érguete Emprega que está financiado pola Deputación de Pontevedra, a través da Subvención de Acción Social que esta entidade percibe para o ano 2017.
Indicamos a continuación detalle do acto programado.
Programa do Encontro con Empresas “Non te pares - Érguete!!”
Lugar realización: Centro Cultural – Concello de A Guarda Data, horario e duración: sábado 15 de xullo de 2017, de 09:00 a 11:30 h.
Participantes: sesión aberta ao público en xeral.
09:00 Recepción de asistentes e presentación do acto.
09:15 Mesa redonda de empresas (Certega – Nortempo – Viveros Nilo).
11:15 Rolda de preguntas.
11:30 Peche xornada.
Podes solicitar máis información na nosa entidade, ubicada na rúa Colón, 20 (Edificio O Pescador 1º andar) de A Guarda (Pontevedra), nos teléfonos 986 614 407 – 640 086 376 ou no correo elecrónico: info@erguete.org
Ningún comentario:
Publicar un comentario