MEMORIA HISTÓRICA
1936 - 2016
Nom esquecemos!
HOMENAXE
Na fosa común do cemitério de Sestás (A Guarda)
Foto: Santiago Baz Lomba
Infogauda / A Guarda
Arredor das 12:00 h, do 31 de decembro de 2016, un grupo heteroxéneo de persoas, veciñas de A Guarda e do Rosal, atendendo á convocatoria feita pública en datas precedentes, polos mozos do Centro Social Fuscalho, baixo o lema Nom esquecemos!, reuníronse diante da Fosa Común do cemitério de Sestás (A Guarda), para tributar unha homenaxe de lembranza ás persoas que loitaron na defensa da Democracia e da Libertade fronte os insurrectos.
Compre salientar que nesa homenaxe cívica, na que participaron persoas de diferentes pensamentos e sensibilidades, tamén houbo espazo para facer un breve repaso histórico, para música tradicional e para a poesía.
A pesar de que no derradeiro día do ano pasado, cecais non era á data máis idónea para ese tipo de eventos, pola coincidencia con outras actividades de carácter deportivo e lúdico, compre salientar que á resposta dada polos participantes, demostra que a memoria está viva. Que pasaron 80 anos desde que os golpistas franquistas se rebelaron contra o Goberno da IIª República, máis a pesares de elevado custe humano, social i económico que a guerra supuxo, a cidadanía non esquece. Xa o profetizara noso insigne polígrafo Alfonso Daniel Rodríguez Castelao, non seu álbum Galicia martir: "Non enterran cadaveres, enterran sementes".
E a verdade e que esa frase faise realidade cada vez que un grupo de persoas, en calquer época do ano, en respectuosa homenaxe se achega a Fosa Común de Sestás, para honrar á memoria dos que deron súas vidas pola causa republicana.
Ningún comentario:
Publicar un comentario