A GUARDA

O CONCERTO DE “PELEPAU” PUXO A GUINDA Á V MOSTRA DAS TRADICIÓNS MARIÑEIRAS 

A organización entregou dous diplomas ós postos mellor ambientados do “Mercado Mariñeiro”

A gamela adaptada “A Roncadeira” navegou polo porto da Guarda

 Fotos: C. A. G.

Infogauda / A Guarda

 A localidade de A Guarda viviu unha fin de semana festiva grazas ás actividades programadas dentro da V Mostra das Tradicións Mariñeiras, organizadas pola Asociación de Redeiras Atalaia e o Concello.

 Tanto o venres, coma o sábado e o domingo, a carpa instalada no porto, ofreceu a veciños de A Guarda, e tamén ós múltiples visitantes, un ambiente moi festivo. Todas as exposicións, os distintos obradoiros de cerámica, cestería ou vidro e as diferentes actividades lúdicas, atraeron a centenares de persoas.

  A guinda a esta V edición da mostra foi o concerto que onte ofreceu o Grupo “Pelepau”. Dende ás 21:00 horas e ata pasadas as 23:00 horas, este conxunto formado por dez artistas, animaron ó público e fixeron que este se levantase, aplaudise e cantase durante dúas horas. O terminar a actuación, e non sen antes facer máis dun “bis” o grupo despediuse do seu público entoando o seu último tema entre eles.

  O Mercado Mariñeiro, exposto na rúa do Porto tamén foi un moi bo reclamo. Veciños e visitantes pasearon, admiraron e tamén mercaron pezas nestes postos artesanais que ofrecían moitos e moi diversos produtos. A concelleira de Turismo, Montserrat Magallanes Álvarez, xunto coa Concelleira de Servizos Socias, Teresa Vicente Baz, e representantes da Asociación de Redeiras, visitaron o mercado e decidiron entregar dous diplomas. Un ó stand mellor ambientado e outro o posto que presentaba os produtos de maneira máis axeitada.

 O domingo, ademais, as condicións de vento permitiron que a gamela tradicional adaptada “A Roncadeira” puidese navegar polo porto da Guarda para ofrecer un “bautismo de mar” a persoas con mobilidade reducida.

 O Concello de A Guarda pretende continuar con este tipo de actividades en colaboración co clube deportivo “Alagua”.

 Con este programación a Mostra das Tradicións Mariñeiras despediuse ata a próxima edición, que espérase, a lo menos, sexa tan especial coma a de 2015.