GOIÁN

GOIÁN PREPÁRASE PARA CELEBRAR O SEU TRADICIONAL ENTROIDO

O desfile de carrozas será o martes 12, aínda que os festexos comezarán este domingo O Entroido da parroquia de Goián, un dos máis tradicionais da zona, comeza esta fin de semana, aínda que o desfile principal terá lugar o martes 12. A comisión organizadora prepara un ambicioso programa que comezará o vindeiro domingo, co desfile dos nenos e nenas e xogos na praza do pobo, e rematará o mércores 13, co Enterro da Taíña. Treboadas e orquestras amenizarán as catro xornadas de festa. A maior particularidade deste Entroido é que segue conservando o seu caracter netamente popular. Exemplo diso é que a vintena de carrozas e comparsas participantes so saen pola vila, sen asistir a outros desfiles. Moi característica é tamén a Carreira de Carretillas con condutor e acompañante, celebrada o domingo ás seis da tarde. Para ter todo a punto, traballan dende hai máis de tres meses preparando as carrozas e os actos complementarios. A comisión conta coa colaboración  de voluntarios para a recolección de fondos e produtos para a sopa de cocido que se sirve ao remate do desfile para todos os asistentes. O recinto de festas estará cuberto cunha gran carpa e os catro días haberá animación a cargo da Treboada “Os da Fonte do Frade”. Programa de actos Domingo 10 de febreiro: 12.00 hs. Desfile dos nenos e nenas. 16.00 hs. Xogos na praza. 18.00 hs. 3ª carreira de carretillas. (Premio á mellor tuneada, mellores disfraces e 1º, 2º e 3º clasificado). 21.00 hs. Verbena con Ciudacristal e Solamérica. (Durante a verbena, entrega de premios aos mellores disfraces). Luns 11 de febreiro: 09.00 hs. Acude a percorrer o pobo cos gaiteiros. 13.00 hs. Gran Tortillada  21.00 hs. Verbena con Marazul e Ciudad de Vigo. Martes 12 de febreiro: 13.00 hs. Tradicional Cocido 17.00 hs. Gran Desfile de Carrozas.                Ao remate dos desfile: Sopa para todos. 21.00: Verbena con Alvein e Acirema. Mércores 13 de febrero:  19.00 hs. Enterro da Taíña.