VAL MIÑOR

• 21-O: Alternativa Galega de Esquerda estrea a campaña no Val Miñor cun acto na praza de Abasto de Baiona.
• 21-O: O BNG prepara o seu mitin central en Gondomar e unha charla sobre a situación do ensino.
• O reloxo da torre da casa do Concello de Gondomar volve a funcionar despois de dous anos.
• Baiona lanza a "1ª Ruta de Pintxo: Baiona d`Pintxos”
• Detidos dous mozos por robar 9 motos no Val Miñor e Vigo
• Avelaíña convoca á “Marcha Saudable” que desenvolverá este mércores no Día Mundial da Saúde Mental.
• Accidente automobilístico na PO-331 á altura do quilómetro 17 no carril Gondomar – Vincios.
• A Deputación abre tres obradoiros gratuítos para pequenos comerciantes cara ás ventas do Nadal.
• Volve o Contomar de Espazo Lectura en Gondomar
• Logo da segunda marcha de protesta intensificase o debate no seo do colectivo de usuarios do carrilbici.
• O Partido Popular inicia a campaña no Val Miñor con dúas visitas de Louzán e Hernández a Sabarís e Panxón.
• As moas picadas do Barça

21-O: Alternativa Galega de Esquerda estrea a campaña no Val Miñor cun acto na praza de Abasto de Baiona. Posted: 08 Oct 2012 03:22 PM PDT A coalición electoral formada pola agrupación nacionalista ANOVA e Esquerda Unida, estrea a campaña electoral na bisbarra cun acto este vindeiro mércores 10 de agosto na Praza de Abastos de Baiona. O acto político dará comezo ás 20:30 horas no "Multiusos Angel Bedriñana" no citado edificio. Durante o mitin presentaranse as propostas de Alternativa Galega de Esquerda (AGE), por parte dos candidatos pola provincia, Xosé Antonio Araúxo (ANOVA- Gondomar), José Cuevas (EU- Nigrán), e pechará o acto o historiador e arqueólogo nacionalista Xosé Lois Vilar.

21-O: O BNG prepara o seu mitin central en Gondomar e unha charla sobre a situación do ensino. Posted: 08 Oct 2012 02:37 PM PDT -Carlos Aymerich e mais Guillerme Vázquez presidirán o mitin do BNG deste mércores en Gondomar. -Os candidatos nacionalistas por Pontevedra estarán na Casa da Cultura de Gondomar, presentando oprograma do Bloque para as autonómicas do 21-O, este mércores 10 de outubro ás 20 horas. - O martes 9 de outubro o BNG realizará unha charla-coloquio dirixido ás ANPAs do Val Miñor, no Centro Neural de Gondomar.

O reloxo da torre da casa do Concello de Gondomar volve a funcionar despois de dous anos. Posted: 08 Oct 2012 01:53 PM PDT Os veciños de Gondomar volverán a escoitar o característico toque de campá do reloxo que dende o ano 1906 preside a casa consistorial do municipio. A intervención dun equipo de profesionais contratados pola administración, logrou pór en funcionamento ao mítico aparello que novamente dará as horas cun toque das 8 da mañá até a media noite, segundo informou o Concello. O reloxo, que levaba máis de dous anos parado, fora doado a Gondomar polo "indiano" e fillo do municipio Manuel Losada Carrera.

Baiona lanza a "1ª Ruta de Pintxo: Baiona d`Pintxos” Posted: 08 Oct 2012 11:40 AM PDT Outono será a tempada "D' Pintxos" en Baiona. A Concellaría de Turismo e mais a asociación de comerciantes ACEBA, anunciaron nesta xornada a creación dunha ruta gastronómica outonal que se desenvolverá dende o 8 de novembro ao 2 de decembro. A mesma terá por obxectivo dinamizar esta estación de tempadabaixa, segundo os organizadores, e para iso convidan aos locais da zona a participar da "1ª Ruta de Pintxos: Baiona d'Pintxos" inscribíndose no Departamento de Turismo de Baiona.

Detidos dous mozos por robar 9 motos no Val Miñor e Vigo Posted: 08 Oct 2012 07:56 AM PDT A Garda Civil detivo a dous mozos de 18 e 19 anos como supostos autores do roubo de nove ciclomotores no Val Miñor e Vigo, entre finais de agosto e setembro. A un dos detidos, J.V.S., impútaselle ademais un delito contra a seguridade viaria ao conducir as motos sen licenza nin carné e provocar un accidente en Baiona no que causou danos en dous vehículos e logo deuse á fuga.

Avelaíña convoca á “Marcha Saudable” que desenvolverá este mércores no Día Mundial da Saúde Mental. Posted: 08 Oct 2012 04:18 AM PDT A Asociación Avelaíña participará do Día Mundial da Saúde Mental, organizado unha "Marcha Saudable" o vindeiro mércores 10 de outubro. A mesma sairá d'A Ramallosa ás 10 horas e percorrerá a bisbarra durante unha hora até arribar á Praza do Concello de Baiona. A esa hora lerase o manifesto "Toda unha vida para mellorar" e terá lugar un concerto de Xerock.

Accidente automobilístico na PO-331 á altura do quilómetro 17 no carril Gondomar – Vincios. Posted: 08 Oct 2012 04:04 AM PDT Minutos antes das 9:00 da mañá deste luns, tivo lugar un accidente á altura da curva existente no quilometro 17 da PO-331, no carril que circula dende Gondomar cara a Vincios. Un turismo azul envorcou por razoes aínda descoñecidas, sen provocar lesións de gravidade na súa única ocupante. A muller de 35 anos foi atendida por unha ambulancia asistencial, pero a mesma pediu o alta voluntaria, segundo informan os servizos de emerxencia.

A Deputación abre tres obradoiros gratuítos para pequenos comerciantes cara ás ventas do Nadal. Posted: 08 Oct 2012 03:32 AM PDT A Deputación de Pontevedra lanzou hoxe unha convocatoria para autónomos e pequenas empresas do eido comercial de tódala provincia, cara a un conxunto de obradoiros gratuítos de formación dentro do programa "Vender máis Nadal" . O talleres desenvolveranse nun "espazo inspirado nun escenario de vendas real", montado na nova aula-taller de formación que a Deputación de Pontevedra vén de habilitar no 2º andar do Edificio administrativo.

Volve o Contomar de Espazo Lectura en Gondomar Posted: 08 Oct 2012 03:06 AM PDT Este próximo luns ao Contomar de Espazo Lectura chegarán, entre outras, as historias de Chocolata, Rita ou Non quero ser un polbo, que nos permitirán achegar aos máis pequechos a sentimentos tan importantes como a amizade, os afectos ou a autoestima. A cita será ás 18:00h na Biblioteca Municipal de Gondomar para nenos e nenas de máis de 3 anos e as súas familias.

Logo da segunda marcha de protesta intensificase o debate no seo do colectivo de usuarios do carrilbici. Posted: 08 Oct 2012 02:43 AM PDT A segunda marcha de ciclistas en protesta polo actual trazadado do carrilbici Vigo – A Gardacongregou novamente perto de 200 persoas. O percorrido de case 3 horas tivo momentos de tensión cando a Garda Civil intentou que os ciclistas fixeran unha fila de a dous,cousa que algúns manifestantes rexeitaron. O colectivo marchou provocando o malestar dos automobilistas que viron obstaculizado o tráfico. O debate polas características da marcha xa se instalou nas redes dende a tarde do domingo, onde varios participantes reclaman maior organización nas vindeiras actividades e outros salientan a necesidade de maior compromiso dos usuarios do carrilbici nas protestas.

O Partido Popular inicia a campaña no Val Miñor con dúas visitas de Louzán e Hernández a Sabarís e Panxón. Posted: 08 Oct 2012 01:54 AM PDT -Jesús Vázquez Almuíña, Agustín Hernández e mais Rafael Louzán visitarán o Mercado de Sabarís este luns ás 12 horas. -Ás 13:30 horas, Alberto Valverde, acompañará a Hernández e Louzán nun percorrido polo porto de Panxón.

As moas picadas do Barça Posted: 07 Oct 2012 09:31 PM PDT O equipo liderado por Ronaldinho foi o primeiro persoal de elite en someterse a un estudo a fondo da súa saúde dental, decisiva no rendemento deportivo. “Ninguén ten dentes tan lindos e ninguén é tan lindo como eu. Por que habería de rirse alguén destes dentes preciosos? Hai até quen a ama”. En 2006, Ronaldinho estaba crecido: gañárao todo. O seu peculiar sorriso xa non era tanto un motivo de sorna e até os nenos de Brasil negábanse a arranxarse a boca no dentista para parecerse ao seu ídolo o Gaúcho.