PONTS

TEIXUGOS NO CAMPIONATO DE ESPAÑA DE INFANTILES EN PONTS

Informa (texto e fotos) Rosa Fernández / Ponts

O sábado día 6 de agosto celebrouse na localidade catalá de Ponts o Campionato de España de Infantiles co que se pechou a tempada 2011 de Slalom a nivel nacional.

Os Teixugos acudiron cos cinco infantiles cos que conta neste momento: David, Claudia, Marina, Brais e Manuel. Ao final do día non se conseguiu ningunha medalla para o club tomiñés, pero os nenos e nenas deixaron o pavillón ben alto, xa que case todos puntuaron grazas os bos tempos obtidos. Destacar a 4ª e 5ª praza obtidas en K1 Infantil B por Manuel Ochoa e Brais Castro respectivamente, quedando os seus tempos a moi poucos segundos dos gañadores.
Na puntuación final por clubs o Club Deportivo Miño acadou o quinto lugar, sendo o club galego mellor clasificado.
O mérito dos Teixugos e moito pois compite con vascos e cataláns que contan nas súas comunidades con canais adaptadas a este deporte e cunha lexislación a nivel ríos moito menos estrita que a galega, que so parece respectar os dereitos das compañías hidroeléctricas. A nivel económico tamén están motísimo mais respaldados, tanto por patrocinadores como polas súas respectivas federacións.
A vindeira cita será en Dumbría onde se celebrará a 5ª Copa Galega de Promoción de Slalom.

Galería de imaxes.