A GUARDA

TURGALICIA OFRECE NA SÚA WEB UNHA INFORMACIÓN OBSOLETA SOBOR DO MUSEO ARQUEOLÓXICO DO MONTE SANTA TREGA

- O alcalde - e a súa vez presidente do Padroado Municipal Monte Santa Trega - así como os concelleiros de Patrimonio e Turismo, respectivamente, consinten que se ofreza unha información rancia

Na imaxe - pertecente o arquivo de Infogauda - podemos ollar como se amosaba o Museo Arqueolóxico do Monte Santa Trega no ano 2007

Infogauda / A Guarda

A información que sobor do Museo Arqueolóxico do Monte Santa Trega, ofrece Turgalicia na súa web, que segundo se indica "(...) corresponde a un labor de recollida de datos realizado no mes de Febreiro 2008", deixa ben craro que nin o goberno bipartito nin o goberno actual da Xunta de Galicia, nin Turgalicia, nin a Concellería de Patrimonio do Concello de A Guarda, non tiveron nin teñen, o máis mínimo interese en actualizar os contidos da devandita web. Así se esprica que tanto as imaxes que se facilitan, como o texto que figura na páxina correspondente o Museo do Padroado Municipal do Monte Santa Trega estén obsoletos. Pero non pasa nada. Iso é, alomenos até agora, o que cabe interpretar a vista da inacción do grupo maioritario do concello da A Guarda e do Padroado Municipal Monte Santa Trega, curiosamente presididos pola mesma persoa, que semella non atreverse a decir esta boca é miña. O mesmo semella acontecerlles os concelleiros de Patrimonio e de Turismo, respectivamente. De tal xeito que así non é de extranar que Turgalicia espalle pola Rede de redes unha información rancia, nomeadamente no tocante ás imaxes do interior do museo, e tamén en parte do texto, que non se corresponde coa realidade que o Museo Arqueolóxico do Monte Santa Trega ofrece "in situ".

Menos mal que grazas a impagable labor desenvolvida ó longo da súa existencia pola benemérita Sociedade Pro-Monte Santa Trega, este fanal da Cultura de Galicia segue sendo ún dos lugares máis visitados do noso país.

Para mostra, premer eiquí para acceder a unha panorámica do interior do Museo.