A GUARDA

O RECREO ARTÍSTICO GUARDÉS DISPÓN DESDE ONTE DE NOVA XUNTA DIRECTIVA

Infogauda / A Guarda

O sábado día 6 de xuño, logo de unha longa reunión entre os directivos electos e a xunta directiva saínte, quedou establecida a nova directiva que rexerá a centenaria sociedade.
Durante a Asemblea Xeral Extraordinaria que se celebrou o pasado domingo 31 de maio, os novos directivos foron elixidos por votación entre unha lista de 324 socios de número que cumprían os requisitos regulamentados para ser votados como directivos.
A nova directiva, que collerá o cargo a comezos do vindeiro mes de xullo xa que o novo presidente estará de viaxe ata esas datas, quedou configurada do seguinte xeito:

Presidente: Antonio González Pacheco

Vicepresidente: Jesús González Álvarez

Secretario: Ignacio Delfín Saá González

Tesoureiro: Antonio Alberto Castro Lomba

Vocal: J. Ramón Martínez Pena

Vocal: Antonio Lima Álvarez

Segundo informa a xunta directiva en funcións, presidida por Anselmo Martínez Pena "aínda quedan por decidir dous vocais xa que por motivos que non sabemos non se presentaron a reunión. En canto saibamos publicaremos os nomes deses dous vocais".