A GUARDA

A Fundación Cibervoluntarios vai traer á Guarda dous novos cursos dixitais  

• Haberá un curso para a cidadanía xeral e outro para maiores de 60 anos  

 

Infogauda / A Guarda

 A Fundación Cibervoluntarios regresará á Guarda para ofrecer de xeito gratuíto novas formacións dixitais.  

 A primeiro delas está aberta a toda a cidadanía e centrarase no internet seguro para os menores. O curso pretende dar a coñecer como protexer os menores e guialos co uso seguro de internet e as redes sociais.  

 As persoas participantes aprenderán sobre a seguridade, privacidade e protección de datos, así como usar e configurar controis parentais. Será os días 1, 3, 8 e 10 de xuño de 10:00 a 13:00h.  

 O outro dos cursos, está dirixido a persoas maiores de 60 anos. Trátase dun curso onde explotar a súa creatividade con axuda da intelixencia artificial.  

 Aprenderán a crear imaxes e vídeos, e a mellorar as súas fotografías de xeito sinxelo. Darán forma as súas ideas usando aplicacións actuais, sen necesidade de coñecementos técnicos. Será os días 2, 4, 9 e 11 de xuño de 10:00h a 13:00h.  

 As inscricións xa están abertas ata o 12 de maio en informacion@aguarda.es.